Zańger A.Táshenova B.Baibektiń ar-namysyn, qadir-qasieti men iskerlik bedelin qorǵaý týraly talap aryzy boiynsha J.Mamai men I.Imanbaeva jáne olardyń ókilderi usynǵan pikirge arnai zertteý jumysyn júrgizip, taldaý jasapty.
Bul týraly ol óziniń Facebook paraqshasynda egjei-tegjeili jazyp, kópshiliktiń aldyna usyndy.
A.Táshenova Mamai tarapynan keltirilgen kýálikteriniń birde bireýi taǵylǵan aiyptaýlarǵa dáleldeme bola almaitynyn málimdedi.
Onyń sózine sensek, Mamaidyń usynǵan dálelderi posttardan, BAQ pen anonimdi telegram-arnalardaǵy jariialanymdardan, sondai-aq túsiniksiz anyqtamalar men iske múldem qatysy joq qujattardan turatyn qoiyrtpaq. Zań men zańi tájiribe turǵysynan alǵanda, bul – sot úshin eshqandai mańyzy joq paidasyz jalǵan dáleldemeler.
«Sot talqylaýy – eń aldymen faktiler ekenin taǵy da atap ótkim keledi. Sot jalań joramaldar men «qiiali áńgimelerge» emes, tek solardyń negizinde ǵana zańǵa sáikes aqiqatty anyqtaidy. Bul – álemdik tájiribe, quqyq ústemdigi degenimiz de, osy», – dep túsindirip ótti Baibektiń qorǵaýshysy.
Advokattyń jazbasynan zańǵa sáikes jaýapkerler jariia túrde aiyptaý kezinde súiengen qujattary men rastaityn dáleldemelerin sotqa usynýy tiis ekeni belgili boldy. Áitse de, B.Baibek, 2 kún buryn sotqa J.Mamai men I.Imanbaevanyń jalǵan aiyptaýlaryn joqqa shyǵaratyn barlyq qajetti qujattar men faktilerdi joldai otyryp, óz quqyǵyn paidalanypty.
Zańger A.Táshenova jaýapkerlerdiń 16 bettik pikirine qysqasha toqtalyp, olardyń «dáleldeme» dep usynǵandary men talapkerler bergen qujattardy salystyryp 7 tarmaqqa bólip kórsetti.
Osy túiinderden Baibektiń qorǵaýshysy Mamai usynǵan dálelderdiń barlyǵy feik aqparat jáne jalǵan faktilerden quralǵanyn alǵa tartty.
«Budan aldyn B.Baibek óz suhbatynda málimdegendei, olardyń «jýrnalistik zertteý» dep atalatyny tolyqtai ótirik tujyrymdarǵa, ashyqtan ashyq kemsitýge, aldaý men qoǵamdyq pikirdi manipýliatsiialaýǵa qurylǵan. Iaǵni olardyń «qujattamasy» túkke turmaidy, al barsha ótirik aqparaty aýadan alynǵan.
«J.Mamai men I.Imanbaeva osyndai tuiyqqa tirelip otyrǵan jaǵdaida ne istemek? Kórip otyrǵanymyzdai, protsess barysynda J.Mamai men I.Imanbaeva jáne olardyń úsh advokaty ózderiniń aiyptaýlary kópe-kórneý jala men arsyz aldaýǵa qurylǵanyn bile tura, erte bastan «ózderiniń jeńilgenin moiyndady».
Áitse de, las tásilder men tehnologiialardy paidalana otyryp, jaýapkerler sanaly túrde qoǵamdyq pikirdi burmalai otyryp, talap qoiýshyny qaralaityn ótirik aqparatty taratýyn jalǵastyrýda. Al protsess barysynda sotty «sózbuidaǵa salyp», arzan qoiylymǵa ainaldyryp, talap aryz mánine jatpaityn basqa taqyryptardy qozǵap ketýde», – dep qorytyndylady advokat.
Talap qoiýshy ózderiniń durystyǵyna áýel bastan-aq senimdi bolǵanyn atap ótti. Ózderiniń pozitsiiasyn rastaý maqsatynda barlyq dálelder men qujattardy barshanyń tanysýy úshin jariialaǵanyn jetkizdi. Al jaýapkerler tarapyn ózderiniń «dáleldemeler» dep atalatynyn ashyq usynýdan tolyqtai qashqaqtap júrgenin ashyq aitty.
