Pfizer koronavirýsqa qarsy vaktsina jetkizý boiynsha Qazaqstan Úkimetimen kelissóz týraly aitty, - dep habarlaidy Tengrinews.kz.
Kompaniianyń aqparat agenttigine bergen jaýabynda, Pfizer jáne BioNTech kompaniialary qajettilikke bailanysty búkil álemge COVID-19-ǵa qarsy vaktsina berý nieti bar ekenin kórsetken.
"Biz vaktsina jiberý úshin barlyq elmen, sonyń ishinde Qazaqstanmen tyǵyz jumys istep jatyrmyz. Qazirgi ýaqytta qandai da bir málimdeme jasaýǵa áli erte", - dedi Pfizer kompaniiasynyń Kavkaz jáne Ortalyq Aziiadaǵy jurtshylyqpen bailanys jónindegi menedjeri Madina Kókbaeva.
10 shildede Prezident Qasym-Jomart Toqaev Pfizer vaktsinasynyń 2 million dozasy mamyrda elge kelý kerek bolǵanyn, biraq jetkizilim belgisiz sebepterge bailanysty toqtatylǵanyn aitty. Ol Prezident Ákimshiligi men Úkimetke vaktsinany jetkizýge kedergi keltirgen laýazymdy tulǵalarǵa shara qoldanýdy tapsyrdy, sonymen qatar Pfizer-di Qazaqstanǵa qysqa merzim ishinde jetkizýdi tapsyrdy.
15 shildede Densaýlyq saqtaý ministrligi Pfizer-men 2021 jyldyń tórtinshi toqsanynda Qazaqstanǵa vaktsinalar jetkizý týraly aldyn ala kelisimge qol jetkizgenin málimdedi. Keiinirek Aleksei Tsoi kelisimniń egjei-tegjeii qupiia ekenin aitty. Onyń aitýynsha, vaktsinanyń eki million dozasyn jetkizý týraly aldyn ala kelisimge qol jetkizildi.
Sondai-aq, Qazaqstanda 12-18 jastaǵy balalar men jasóspirimderdi Pfizer/BioNTech preparatymen erikti vaktsinalaý josparlanǵan. Tsoi kámeletke tolmaǵandarǵa vaktsina ata-ana kelisimimen erikti negizde ǵana júrgiziletinin aitty.
