Japoniiada koronavirýsqa shaldyǵý kórsetkishiniń antirekordy jalǵasýda. Qazaqstanda Covid-19 taralýyna jol bermeý jónindegi vedomstvoaralyq komissiia álemdegi jaǵdaiǵa qatysty aqparat usyndy, dep habarlaidy "Ult aqparat".
Izrailde kóshede adamdar kóp shoǵyrlanǵan kezde betperde kiiý qaitadan mindetti boldy. Sonymen qatar 20 tamyzdan bastap mekemelerge kirýge jáne qatysýshylar sanyna qaramastan is-sharalarǵa tek vaktsinalanǵan, aýyryp jazylǵan nemese koronavirýsqa teris test nátijesi bar adamdarǵa qatysýǵa ruqsat etiledi.
Malaiziia Premer-ministri vaktsinalanǵan turǵyndarǵa shekteýler ishinara alynyp tastalatynyn jariialady. 10 tamyzdan bastap pandemiiaǵa bailanysty qolaily jaǵdai qalyptasqan shtattar men qalalarda ishki týrizmge ruqsat etiledi, kafeler, meiramhanalar kelýshilerdi qabyldai alady, sportpen shuǵyldanýǵa da ruqsat etiledi.
Japoniia tórtinshi kún qatarynan koronavirýsty juqtyrýdyń kúndelikti kórsetkishi boiynsha antirekordty jańartýda: elde infektsiianyń 15 753 jańa jaǵdaiy anyqtaldy. Sonymen qatar Iranda bir kúnde koronavirýspen aýyratyndardyń eń kóp sany anyqtaldy – 39 619 jaǵdai.
