Jyl saiyn maýsym aiynda Maqtaraldan kúnine 200-300-ge tarta qaýyn-qarbyz tielgen júk kóligi TMD, Pribaltika, Túrkiia, Germaniia, Gretsiia elderine jol tartady. Biyl aýdan sharýalary 10 myń gektarǵa qaýyn, 1500 gektardan asa jerge qarbyz ekken, dep habarlaidy "Ult aqparat" aýdan ákimdiginiń baspasóz qyzmeti.
Burynnan baldai táttiligimen, erekshe úlkendigimen tanymal bolǵan «Myrzashól» qaýynyn eksportqa yńǵailastyryp, búginde oblystaǵy birneshe aýdannyń diqandary jappai egip jatqan «Jienbet», «Valet» siiaqty t.b. qaýynnyń sorttaryn jasap shyǵardy.
Jańa sorttardyń dámi til úiiredi jáne tasymaldaýǵa tózimdi, iaǵni uzaq jolǵa beiimdelgen. Kólemi de yńǵaily, bir qorapqa 6-7 qaýyn syiady. Jańa sorttardyń arqasynda sońǵy jyldary diqandar úlken tabys taýyp, Resei men Eýropanyń birneshe eliniń naryǵyna kirip otyr.
Qazirgi tańda Maqtaaral aýdanynyń kireberisindegi logistikalyq ortalyq júk kólikterine lyq tolǵan. Eýropadan jáne basqa da elderden kelgen kásipkerler úshin ortalyqta barlyq jaǵdai jasalǵan. Atap aitqanda, qonaq úi, dámhana, avtoturaq, bassein kesheni men qosalqy bólshek dúkeniniń qyzmetteri qarastyrylǵan. Aldaǵy ýaqytta kókónis saqtaý qoimasy da iske qosylady.
Osylaisha qaýyn-qarbyz biznesi Maqtaaral aýdanynda tutas bir indýstriianyń damýyna jol ashyp otyr.
