Germaniianyń iri Lufthansa aviakompaniiasy shetelge baratyn barlyq nemis týristeriniń otanyna oralýyna kepildik berýge daiyn. Bul týraly aviakompaniia basshysy Karsten Shpor jeksenbi kúni Frankfurter Allgemeine Zeitung gazetine bergen suhbatynda málimdedi.
«Kim úiine qaitqysy kelse, ony biz qaitaramyz», - dep ýáde berdi ol.
«Temperatýrasynyń kóterilýine bailanysty adam qabyldaýshy elge kire almaǵan jáne sol elde karantinge tap bolǵan jaǵdaida nemese virýs saldarynan aýrý týyndaǵan jaǵdaida bolsyn –bárinde de keri ushýǵa kepildik beriletin bolady», - dep túsindirdi Shpor.
Lufthansa kontserni koronavirýs pandemiiasy saldarynan jolaýshylar aǵynynyń qysqarýyna bailanysty orasan zor shyǵynǵa ushyraýda, bul kompaniia aktsiialary baǵamynyń tómendeýine ákelip soqtyrdy. Kompaniianyń derekteri boiynsha saǵatyna ol shamamen €1 mln joǵaltýda. Osy aida aviatasymaldaýshy ushý sanyn barynsha arttyrýǵa niettenip otyr.
25 mamyrda Germaniia úkimeti Lufthansa kompaniiasymen €9 mlrd mólsherinde kómek paketin usyný sharttaryn kelisti. Degenmen osy mámileni maquldaýy tiis Eýrokomissiia mynandai shart qoidy: Germaniianyń Maindaǵy Frankfýrt jáne Miýnhen sekildi iri áýejailarynda aviakompaniia ushaqtarynan ushý jáne qoný kezinde basym quqyqtar alynsyn.
Lufthansa aktsionerleri 25 maýsymda ótetin kezekten tys otyrysta kómek paketin talqylaityn bolady.
