Jyl basynan beri Bernar Arno birneshe ret álemniń eń bai adamy atandy. Biraq pandemiia saldarynan jaǵdaiy jii ýshyǵyp otyrdy.
Degenmen sońǵy aptada Louis Vuitton Moët Hennessy kompaniiasynyń iesi óz bailyǵyn $8,1 mlrd-qa arttyra aldy. Sóitip onyń jiǵan-tergeni $100 mlrd-tan asyp tústi. Bul týraly habarlaǵan Forbes basylymy 21-28 mamyr aralyǵyndaǵy ózgeristerdi esepke alǵan.
Basylymnyń jazýynsha, buǵan Eýroodaqtyń ekonomikany qoldaý jóninde jańa sharalardy jariialaýy áser etken. Osydan keiin LVMH kompaniiasy aktsiialarynyń quny birden 10% ósip shyǵa kelgen. Sóitip Arnonyń bailyǵy $103,4 mlrd-qa jetken kórinedi.
