«Job Fair 2020» atty jyl saiynǵy úshinshi bos oryndar jármeńkesi bakalavriat pen magistratýranyń sońǵy kýrs stýdentteri úshin London ýniversitettik kolledjinde ótti, dep habarlaidy QR SIM baspasóz qyzmeti.
Is-sharany Qazaqstannyń Ulybritaniiadaǵy Elshiligi, Ulybritaniiadaǵy qazaqstandyq doktoranttar qaýymdastyǵy, sondai-aq London ýniversitettik kolledjiniń qazaqstandyq qaýymdastyǵy (UCL Kazakh Society) «Astana» Halyqaralyq qarjy ortalyǵynyń qoldaýymen uiymdastyrdy.
Bos oryndar jármeńkesi – Elshilik jyl saiyn uiymdastyratyn is-shara. Onda Ulybritaniiadaǵy qazaqstandyq stýdentter jetekshi qazaqstandyq jáne halyqaralyq jumys berýshi kompaniialardyń ókilderimen tikelei qarym-qatynas jasaýǵa múmkindik alady.
Jármeńkege Ulybritaniianyń túkpir-túkpirinen Londonǵa kelgen 130-dan astam qazaqstandyq stýdent qatysty. Olardyń kóbisi magistrlik baǵdarlama boiynsha oqityn «Bolashaq» halyqaralyq stipendiiasynyń iegerleri boldy. Jumys berýshiler retinde bos oryndar jármeńkesine «Samuryq-Qazyna» UÁQ» AQ, «Astana» Halyqaralyq qarjy ortalyǵynyń Úzdiksiz kásibi damý biýrosy (AHQO Biýrosy), «BI Group» Holdingi, sondai-aq «Shell Kazakhstan» energetikalyq kompaniiasy qatysty.
Óz sózinde Qazaqstannyń Ulybritaniiadaǵy Elshisi Erlan Ydyrysov memleket jastardy qoldaý men ilgeriletýge erekshe kóńil bóletinin atap ótti. Bul týraly jaqynda qurylǵan Prezidenttik jastar kadr rezervi, QR Tuńǵysh Prezidenti – Elbasy Qorynyń «El úmiti» jáne «Qamqorlyq» bastamalary jáne basqa da baǵdarlamalar kýálandyrady. E.Ydyrysov sondai-aq Elshilik qazaqstandyq stýdentter úshin uiymdastyratyn negizgi is-sharalar, onyń ishinde Turaqty damý men innovatsiialar boiynsha úshinshi Ortalyq Aziia ǵylymi forýmy, zańgerlerge arnalǵan arnaiy bos jumys oryndar jármeńkesi jáne t.b. is-sharalar týraly aityp berdi.
«Shell Kazakhstan» kompaniiasynyń ókilderi – Óndiristi jetildirý jónindegi menedjer Metiý Moline jáne Úkimetpen jáne jurtshylyqpen bailanys jónindegi keńesshi Ásel Ibraeva – «Shell Graduate Programme» atty jas mamandarǵa arnalǵan baǵdarlamanyń egjei-tegjeii týraly áńgimeledi.
AHQO Biýrosy Bas direktorynyń orynbasary Ásel Káribai AHQO qurylymy jáne osy uiymnyń ekojúiesindegi Biýronyń róli, stýdentter úshin oqý jáne taǵylymdamadan ótý júiesi týraly aqparat berdi.
«Samuryq-Qazyna» UÁQ» AQ ókilderi Qordyń qyzmeti, jumysqa qabyldaý talaptary men kezeńderi, «Samruk Qyzmets bos jumys oryndar onlain-platformasy, sondai-aq «Jas Órken» jas mamandardy damytý baǵdarlamasy týraly aityp berdi.
«BI Group» Holdingi Direktorynyń orynbasary Bahtiiar Pirmahanov Qazaqstannyń iri qurylys holdingteriniń birindegi jumys insaittarymen bólisip, treningter júiesi týraly aityp, qyzmetkerlerdiń taǵylymgerden aktsionerge deiingi ósýdiń kórneki mysaldaryn keltirdi.
Resmi prezentatsiialardan keiin is-sharaǵa qatysýshylar jumys berýshi kompaniialardyń ókilderimen jeke tanysyp, suraqtar qoiyp, keister sheshýge qatysyp, bos jumys oryndarǵa ornalasý úshin aldyn ala áńgimelesýden ótý múmkindigine ie boldy.
2021 jyly QR Ulybritaniiadaǵy Elshiligi qazaqstandyq naryqta jumys isteitin iri britandyq kompaniialardyń qatysýymen kezekti bos oryndar jármeńkesin ótkizýdi josparlap otyr. Bul bastama qazaqstandyq ofisterde jergilikti qyzmetkerlerdiń bóligin arttyrý boiynsha mindettemelerin oryndaýǵa baǵyttalǵan.
