QR Oqý-aǵartý ministrliginiń bilim jáne ǵylym salasynda sapany qamtamasyz etý komitetiniń tóraǵasy Gúlzat Kóbenova balabaqsha qyzmetine litsenziia berý erejesin engizýge qatysty saýaldarǵa jaýap berdi, dep habarlaidy QazAqparat.
«Ministrlik engizgeli otyrǵan litsenziialaý quraly balabaqshalardyń sanyn azaityp, jabý maqsatyn kózdemeidi. Bul jerde balabaqsha sany azaiý qaýpi tónip turǵan joq. Osy kúnge deiin qalai jumys istedi, solai jalǵastyra beredi. Balabaqsha litsenziia alý arqyly sapaly jáne zańǵa sai tárbie-bilim berip jatqanyn dáleldeidi. Odan keiin ár 5 jyl saiyn memlekettik attestatsiiadan ótip litsenziiasyn uzartyp otyrady», - dedi Gúlzat Kóbenova ministrliktiń «Oqu-ağartu LIVE» jobasynyń efirinde.
Komitet tóraǵasynyń aitýynsha, balabaqsha qyzmetin litsenziialaý álemdik tájiribe.
«Kez kelgen memlekette mektepke deiingi uiymdar qyzmetine qoiylatyn talaptar bar. Atalǵan talaptar keibir elde litsenziialaý arqyly al keibirinde akkreditatsiiadan ótý arqyly oryndalady», - deidi ol.
Sondai-aq, ministrlik ókili litsenziialaý protsesiniń adamnyń qatysýynsyz júretindigin aitty.
«Barlyǵy elektrondyq litsenziialaý portaly (e-litsenzirovanie) arqyly iske asyrylady. Bul jerde qaǵaz, qujat almasý bolmaidy. Iaǵni barlyǵy avtomattandyrylǵan. Balabaqsha basshysy nemese iesi men litsenziia alýǵa daiynmyn dep ótinish beredi. Qalǵan sharýany elektrondyq litsenziialaý portaly avtomatty túrde ózi oryndaidy», - dedi Kóbenova efir barysynda.
