Eki adam qaza tapqan Lisakovtaǵy atys kýágerleri bolǵan oqiǵany baiandap berdi, - dep habarlaidy Tengrinews.kz.
"Itpen serýendeýge shyqqanmyn, qarasam politsiia da kelipti, olar kelmese ne bolaryn bilmeimin. Ol adamdarǵa, bárine oq jaýdyrdy. Bir politsiia qyzmetkerine oq tidi", - deidi Lisakov turǵyny.
"Men osy úide turamyn. Divanda jatqanmyn. Dybystar estidim. Balkonǵa shyqsam, atys bolyp jatyr. Bizdiń politseiler oq ótpeitin keýdeshe men kaska kiip alypty. Politsiia bolmasa, ne bolatynyn bilmeimin, adamdar kózi kóringen jerge qashty. Politsiia der kezinde áreket etkeni jaqsy boldy", - deidi jergilikti turǵyndardyń biri.
Politsiia qyzmetkeri, jedel-tergeý toby qatysýshylarynyń biri qarýly er adamdy zalalsyzdandyrý operatsiiasy qalai júrgenin aityp berdi.
"Kezekshi bólimge úshinshi shaǵynaýdandaǵy 18 úidiń besinshi kireberisinde myltyqpen er adam júrgeni týraly aqparat aldyq. Jedel top oqiǵa ornyna shyqty. Biz kelgende qansyrap jatqan eki áieldi taptyq. Ekinshi qabattan atqyshty kórdik, ol myltyǵymen bizge ata bastady. Oǵan qarý-jaraq tasta, politsiia, dep eskertý jasadyq, er adam jaýap qatpai atýdy jalǵastyrdy, osylaisha oǵan qarý qoldanyldy, sodan keiin er adam zalalsyzdandyryldy", - dedi ol.
