Áleýmettik jeli qoldanýshylary limonnyń emdik qasieti týraly habarlama taratýda. Tsitrýs jemisti ystyq sýǵa qosqanda koronavirýsqa qarsy dári-dármekti almastyra alady jáne obyr jasýshalaryin óltiredi. Bul jalǵan, dep habarlaidy stopfake.kz saity.
Limonmen koronavirýsty emdeý týraly habarlama 2019 jyldan beri álem boiynsha áleýmettik jelilerde taraýda. Onyń avtorlary Beijiń áskeri aýrýhanasynyń bas direktory Chen Horinge súienedi, ol limonnyń úshten bir bóligin ystyq sýǵa qosyp, kúnde ishýge keńes berdi. Bul sýsyn virýsqa qarsy dári-dármekti almastyrýy kerek. Bul jalǵan málimdeme.
Zertteýshi Chen Horin týraly kópshilikke qol jetimdi aqparat joq. S dárýmeniniń koronavirýsqa qarsy áserin rastaityn da zertteýler joq.
«Limonnyń COVID-19 juqtyrýǵa jol bermeitinine ǵylymi dálelder joq. Alaida, jalpy alǵanda, DDU durys tamaqtanýdyń bir bóligi retinde jemis pen kókónisti jetkilikti mólsherde jeýdi usynady», – delingen Dúniejúzilik Densaýlyq saqtaý uiymynyń saitynda.
Limon sýy obyr jasýshalaryn joiýǵa kómektesedi degen pikir de durys emes.
Limon men basqa da tsitrýs jemistiń quramynda qaterli isikke qarsy qasietterge ie tabiǵi zattar – modifikatsiialanǵan tsitrýs pektini men limonoidtar bar ekendigi týraly zertteýler bar. Biraq olar adamdarda tekserilmegen. Sondyqtan olardyń tiimdiligi týraly qorytyndy jasaý múmkin emes.
Dárigerler limonnyń quramyndaǵy qosylystardyń keibir túrleri qaterli isik aýrýynyń aldyn alýda paidaly bolýy múmkin ekenin joqqa shyǵarmaidy. Alaida, bul zattar aǵzanyń qaterli isikpen kúresý qabiletin arttyrady, biraq obyr jasýshalaryn óltirmeidi.
