AQSh-tyń Las Vegas qalasynda CES 2020 elektronika kórmesi bastaldy. Onda álemniń ár qiyrynan jinalǵan kompaniialar qyzyqty ónimderin tanystyryp jatyr, dep jazady QazAqparat.
Jasandy Neon adamy
Neon – Internet joq kezde dialogta qala alatyn jasandy adam. Jobany Pranav Mistri basqaratyn Advanced Research Lab (STAR Labs) kompaniiasy men Samsung Technology jasap jatyr. Jobanyń maqsaty – adamnyń beinesi men is-áreketin qaitalai alatyn jasandy tulǵa jasaý. Neondarmen sóilesýge bolady, biraq olar paidaly aqparat bere almaidy.
Olar muǵalimderdi, televiziialyq baǵdarlama júrgizýshileri men qarjy keńesshilerin almastyra alady.
Ballie aqyldy roboty
Ballie roboty – beinetaspasy bar kishigirim shar. Ol kez-kelgen jaǵdaida aqyldy tehnikamen bailanysa alady. Eger úidegi it jerge tamaq tógip qoisa, robot shańsorǵyshty iske qosady. Uiyqtaityn ýaqyt jetkende «aqyldy» perdelerdi jaýyp, shamdardy sóndiredi. Ballie-diń shyǵý ýaqyty men baǵasy aitylǵan joq.
AR-kózildirigi
Sonymen qatar, kórmede Samsung kompaniiasy qyzyqty gadjet - AR-kózildirigin tanystyrdy. Ótken jyly tanystyrylǵan GEMS ekzoskeletimen birigip kózildirik iesine jeke jattyqtyrýshymen fitnespen ainalysýǵa múmkindik beredi. Kompaniia AR-kózildiriktiń de satylymǵa shyǵatyn ýaqyty men baǵasyn jariialamady.
Kvanttyq buzýdan qorǵalǵan álemdegi alǵashqy avtokólik
ISARA kanadalyq kompaniiasy tanystyrǵan Karma Revero GT avtokóligi elektrondyq dybystyq málimetterdi jiberip jáne qabyldai alady. Sonymen birge, aqparat basqa bireýge málim bolýy múmkin dep alańdamaisyz, tipti málimetińizdi kvanttyq kompiýterdi paidalanyp ta eshkim asha almaidy.
Karma Revero GT elektromobilin tanystyrý maqsatynda jasalǵan úlgige ISARA Catalyst TLS synaq stendi sekildi qoljetimdi ónimder paidalanylǵan. Olar Netpeople iNAGO júrgizýshi kómekshisiniń platformasynda qaýipsiz bailanys jasaýǵa múmkindik beredi.
Qos ekrany bar noýtbýk
ASUS kompaniiasy kórme aiasynda óz klasyndaǵylardan yqshamdylyǵy, jińishkeligi jáne qýattylyǵymen erekshelenetin 14 diýimdi ZenBook Duo-ny tanystyrdy.
Jańa ZenBook Duo barlyq parametrler boiynsha arzan ári qoldanýǵa jeńil. 4K OLED-displeidiń ornyna Full HD IPS-matritsany qoiǵan. Noýtbýk 16 GB jady bar Intel Core onynshy býyn protsessorlarynda qoljetimdi. Sonymen qatar, NVIDIA MX250 diskrettik beinekartasy bar.
Ekinshi 12,6 diýimdik displeidi ekinshi monitor retinde qoldaný múmkindigi bar. Onda jumys isteýge qajetti qosymsha terezelerdi ashyp qoiýǵa, oiyndarǵa qosalqy aqparat izdeýge nemese jái ǵana YouTube-tan video qosyp qoiýǵa bolady.
Aita keteiik, CES (Consumer Electronics Show) — jańa gadjetterdiń, elektronikanyń, tehnikanyń, avtokólikterdiń jáne basqa da qurylǵylardyń jyl saiyn ótkiziletin dástúrli kórmesi. Kórmede bizge joǵary sapaly teledidarlardy, jyldam drondardy, ózdiginen júretin alýan túrli kólik túrlerin jáne t.b. jańasha qurylǵylardy usynady.
Jańa tehnologiialar kórmesi 10 qańtarǵa deiin jalǵasady.
