Qyzylordalyq qurylysshylar Túrkistan oblysy Arys qalasyndaǵy ózderine tapsyrylǵan jumysty tolyǵymen aiaqtady, dep habarlaidy "Ult aqparat".
Qyzylorda oblysyna Arys qalasynda №6 aýmaq bekitilgen. Onda: 268 turǵyn úi, 5 áleýmettik jáne 10 kásipkerlik nysan bar. Qalpyna keltirýge jatpaityn úilerdiń biri buzylyp, ornyna jańa úi satyp alyndy. Oǵan qosa kóp qabatty úidiń birinde páteri jaramsyz kúige túsken 93 jastaǵy keiýana, 60 jastaǵy múgedek jáne 19 jastaǵy jas azamat turatyn otbasyǵa da osyndai járdem kórsetildi. Mundai qamqorlyq bir aýlada ornalasqan turýǵa jaramsyz bolyp qalǵan eki úi turǵyndary úshin de jasaldy.
Qalpyna keltirý jumystaryn oryndaý úshin 20 qurylys kompaniiasy jumyldyrylǵan bolatyn.
