Qyzylorda oblysynda 38 adam, onyń ishinde Ulttyq ulan sarbazyn óltirdi degen kúdikti ýaqytsha ustaý izoliatoryna qamaýǵa alyndy, - dep habarlaidy Tengrinews.kz.
"Ishki ister organdaryna 381 adam jetkizildi, árqaisysynyń is-áreketine quqyqtyq baǵa beriledi. Onyń ishinde 43 adamǵa qatysty QR ÁQBtK-niń 476-baby 6-bóligi boiynsha ákimshilik hattama toltyrylyp, QR ÁQBtK-niń 488-babyn buzǵany úshin 31 azamat jaýapqa tartyldy.
Arnaiy jedel tergeý toby qurylyp, búlikke qatysqan 38 adam, onyń ishinde Ulttyq ulan sarbazyn óltirdi degen kúdikti ýaqytsha ustaý izoliatoryna qamaýǵa alyndy", - dep málimdedi Qyzylorda oblysy PD baspasóz qyzmetiniń ókili.
Politsiia qyzmetkerleri kómegimen bankomattardy inkassatsiialaý qamtamasyz etilip jatyr. Qoǵamdyq qaýipsizdikti saqtaý maqsatynda qala kóleminde bes blokbeket, jeti aýdanda jiyrma úsh blokbeket qoiyldy. Bul beketterde táýlik boiy politsiia qyzmetkerleri, áskeri qyzmetshiler kezekshilik etedi.
Buǵan deiin jappai tártipsizdik barysynda 5 qańtarda Qyzylorda men Taldyqorǵanda Ulttyq ulannyń eki sarbazy qaza tapqany habarlandy. Sonyń biri Qaisarov Madiiar Qyzylorda qalasyndaǵy tártipsizdikti retke keltirý barysynda aýyr jaraqat alyp, qaitys boldy. Onyń jasy 19-da edi.
