Áleýmettik jeli betterinde buǵan bailanysty beinejazbalar jariialanǵan. Olardyń birinde sol aýmaqta mal baǵatynyn aitqan azamat bar kináni óziniń moinyna alatynyn aitsa, ekinshisinde tabiǵat qorǵaý inpektorlaryna oq atqan eki adam jaiynda aitylady.
«Atalǵan oqiǵaǵa bailanysty oblystyq politsiia departamentiniń baspasóz qyzmeti tómendegishe málimetterdi aityp berdi.
Oqiǵaǵa kináli eki azamat anyqtalyp, ýaqytsha ustaý abaqtysyna qamaqqa alyndy. Olardyń is-áreketine qatysty quqyqtyq baǵa beriledi. Atalǵan derek boiynsha QR Qylmystyq kodeksi boiynsha sotqa deiingi tergep-tekserý amaldary júrgizilýde. Atap aitqanda, kináli eki azamat aldymen 337-babynyń 4-bóligi 2-tarmaǵymen, 380-2 babynyń 2-bóligimen qylmystyq jaýapqa tartylady», - dep málim etti Qyzylorda oblystyq politsiia departamenti baspasóz qyzmetinen.
Vedomstvo málimetinshe, qylmystyq is boiynsha qajetti sot-saraptamalary taǵaiyndalyp, keshendi tergep-tekserý áreketi júrgizilýde. QR Qylmystyq-protsestik kodeksiniń 201-babynyń talaptaryna sáikes, sotqa deiingi tergep-tekserý derekterin jariia etýge jol berilmeidi.
