Qyzylorda oblysynda az qamtylǵan, múmkindigi shekteýli jáne belsendi 10 jasqa respýblikalyq «Jastar Otanǵa» lagerine joldama berildi. Bul joldama oblys ákimi Qýanyshbek Ysqaqovtyń jastarmen júzdesý barysynda tabys etildi, dep habarlaidy "Ult aqparat".
Júzdesý Aral aýdanyndaǵy «Qambash» olimpiadalar jáne qosymsha bilim berý ortalyǵynyń alańynda ótkizildi. Kezdesýge óńirdiń jastar uiymdarynyń belsendileri, az qamtylǵan jáne kópbalaly otbasylardan shyqqan jastar, oblystyq uiymdardyń basshylary, jumyssyz jáne múmkindigi shekteýli jastar, barlyǵy 120-ǵa jýyq adam qatysty.
Aimaq basshysy jastar taqyrybynda oi bólisip, olardyń usynys-tilekterin tyńdady. Óz kezeginde Aral jáne Qazaly aýdandarynyń ákimderi jáne oblys uiymdary men mekemeleriniń basshylary jastardy qoldaý boiynsha atqarǵan jumystary men jastarǵa arnalǵan múmkindikter týraly baiandady. 2014 jyldan bastap Resei Federatsiiasynyń Úkimetimen kelisim negizinde qyzylordalyq túlekter Máskeý men Sankt-Peterbýrgtiń úzdik tehnikalyq joǵary oqý oryndarynda bilim alyp keledi. Olar oqýdy aiaqtaǵannan keiin jergilikti kásiporyndar men memlekettik organdar olardy jumysqa ornalastyrý máselesin sheshedi.
Júzdesý sońynda oblys ákimi Qýanyshbek Ysqaqov belsendi, az qamtylǵan otbasydan shyqqan, múmkindigi shekteýli jastar men jumyssyzdarǵa «Jastar Otanǵa» respýblikalyq jastar lagerine joldama tabystady.
