Qyzylorda oblysyndaǵy qurylys salasyn tsifrlandyrý jumystary nátijesinde sybailas jemqorlyq faktileri azaiǵan.
Óńirde «Tsifrlyq Qazaqstan» memlekettik baǵdarlamasynyń aiasynda qurylys salasy birtindep tsifrlyq formatqa kóship jatyr. Osylaisha, engizilip jatqan jańa jobalar men tsifrlyq tehnologiialar salaǵa aitarlyqtai oń ózgerister ákelý ústinde.
«TexStroi-Smart» jobasy tehnikalyq qadaǵalaý sarapshylaryna ońtaily bolyp otyr. Atalǵan joba ai saiynǵy esepterdi basqarmaǵa elektrondy formatta joldaýǵa múmkindik berip qana qoimai, ony kez kelgen jerden júzege asyrýǵa da yqpal etýde. Buǵan qosa, basqarma qyzmetkerleriniń kásipkerlik sýbektilerimen tikelei qarym-qatynasta bolýy sekildi sybailas jemqorlyq faktileri joiyldy», – deidi Qyzylorda oblysynyń memlekettik sáýlet-qurylys baqylaýy basqarma basshysynyń mindetin atqarýshy Marat Myrzabekov.
Onyń aitýynsha, «Halyq Monitoring» jobasynda jańa salynǵan qurylys nysandary týraly barlyq málimetter qamtylǵan. Osylaisha, turǵyndar qajetti aqparattarǵa, ashyqtyqqa qol jetkize alady.
«Halyq Monitoring» jobasy qurylys salasyndaǵy zań buzýshylyqtardy joiýdy kózdeidi, iaǵni qurylystyń sapasyna qatysty turǵyndarmen keri bailanys ornatý jolymen bolǵan quqyq buzýshylyqtardyń aldyn alady. Nátijesinde, baqylaý sharalarynyń tiimdiligi artyp, qurylys jumystary joǵary deńgeide oryndalady», – dep atap ótti M.Myrzabekov.
Búginde Qyzylorda oblysynyń memlekettik sáýlet-qurylys baqylaýy basqarmasy tarapynan 5 memlekettik qyzmet kórsetilse, sonyń ishinde 4 qyzmet «E-litsenziia» portalyna kóshirilgen, iaǵni elektrondyq nusqaǵa ótken. Osylaisha, turǵyndarǵa 299 qyzmet kórsetiledi, onyń ishinde 125 qyzmet sarapshylyq qyzmetti attestatsiialaýǵa, 174-i litsenziialaýǵa baǵyttalǵan.
