Qyzylorda oblysynda 82 jastaǵy er adam koronavirýs juqtyrdy, dep habarlaidy "Ult aqparat".
Sońǵy táýlikte óńirde Qyzylorda oblysynda koronavirýs infektsiiasyn juqtyrǵan 30 adam tirkeldi. Olardyń 25-i Qyzylorda qalasynyń turǵyny bolsa, 2-ýi Aral, 3-ýi Jańaqorǵan aýdandarynda turatyny anyqtaldy. Olardyń arasynda eń úlkeni -1938 jylǵy er adam, eń kishisi - 2016 jyly dúniege kelgen er bala.
«PTR analizderi 22 naýqastan virýsty juqtyrǵan adamdarmen qarym-qatynasta bolýyna bailanysty alynǵan. Al 7 adamnan QR Bas memlekettik sanitarlyq dárigeriniń qaýlysyna sáikes skriningteý kezinde belgili boldy. Sondai-aq, 1 adam JRVI simptomynyń bar bolýyna bailanysty ózdiginen meditsinalyq kómekke júginip, analiz tapsyrǵan. Zertteý qorytyndysy naýqastardyń koronavirýs infektsiiasyn juqtyrǵanyn kórsetti. Qazir patsientter aýrýhanaǵa oqshaýlandyrylyp, hattamaǵa sáikes em qabyldap jatyr. Aýrý oshaqtarynda mamandar indetke qarsy is-sharalar uiymdastyryp, qarym-qatynasta bolǵandar anyqtalýda», - dep málim etti Qyzylorda oblystyq taýarlar, qyzmetterdiń sapasy men qaýipsizdigin baqylaý departamentiniń baspasóz qyzmeti.
