Foto: Pexels.com
Qyzylorda qalasynyń №2 sotynda 21 jastaǵy T.-ǵa qatysty «Bopsalaý» babymen aiyp taǵylǵan qylmystyq is jabyq otyrysta qaraldy, dep habarlaidy NewTimes.kz.
Sottyń anyqtaýynsha, aiyptalýshy kámeletke tolmaǵan qyzdy bedeline nuqsan keltiretin málimetterdi jariialaimyn dep qorqytyp, odan 700 000 teńge talap etken. Sonymen qatar, ol jábirlenýshiniń sómkesinen 35 000 teńgeni tartyp alǵan.
Aiyptalýshynyń kinási psihologiialyq-psihiatriialyq saraptama, oqiǵa ornyn tekserý, bettestirý hattamalary jáne jábirlenýshiniń aiǵaqtarymen dáleldendi.
Sot T.-ny kináli dep tanydy, biraq onyń jasy men buryn sottalmaǵany eskerilip, jazasy jeńildetildi. Zańǵa sáikes, aýyrlatatyn jaǵdailar bolmaǵandyqtan, jaza merzimi eń joǵary merzimniń úshten ekisinen aspaýy tiis.
Sondyqtan T.-ǵa 4 jyl 6 ai bas bostandyǵynan aiyrý jazasy taǵaiyndaldy.
Úkim áli zańdy kúshine engen joq.
Aita keteiik, Qyzylorda oblysynda jas qyzdy synyptastary 8 ai boiy azaptap, esirtki berip, seks-quldyqta ustaǵany týraly aqparat qoǵamda rezonans týdyrǵan edi.
