Qyzylordada 11 jastaǵy ul bala koronavirýs juqtyrdy, dep habarlaidy Qyzylorda oblystyq taýarlar, qyzmetterdiń sapasy men qaýipsizdigin baqylaý departamentiniń baspasóz qyzmeti.
Sońǵy táýlikte Qyzylorda oblysynda koronavirýs infektsiiasyn juqtyrǵan 16 adam tirkeldi. Olardyń 13-i Qyzylorda qalasynda tursa, 3-i Jańaqorǵan aýdanynan.
«Naýqastardyń ishinde eń úlkeni 1957 jyly týǵan áiel adam bolsa, eń kishisi 2009 jylǵy er bala. PTR analizderi 14 adamnan aýrý juqtyrǵan adammen qarym-qatynasta bolýyna bailanysty alynǵan. Eki adam JRVI klinikalyq belgileriniń bolýyna bailanysty óz bastamasymen meditsinalyq tekserýge júgingip, provizorlyq statsionarǵa jatqyzylyp, analizder alynǵan. Zertteý qorytyndysy naýqastardyń koronavirýs infektsiiasyn juqtyrǵanyn kórsetti. Patsientter aýrýhanaǵa oqshaýlandyrylyp, hattamaǵa sáikes em qabyldap jatyr», - dep málim etti baspasóz qyzmeti.
Qazirge deiin Qyzylorda oblysynda koronavirýs infektsiiasyn juqtyrǵan 418 adam tirkelgen. Onyń ishinde emdelip shyqqandar sany - 245 adam.
