Foto: pexels.com
Qyzylorda qalasynda bir kúnde eresekterdiń qaraýynsyz qalǵan úsh bala kóp qabatty úidiń terezesinen qulap ketti.Oqiǵa keshe, 12 mamyrda oblys ortalyǵynda bolǵan, dep habarlaidy "Ult aqparat" Qyzylorda oblystyq Tótenshe jaǵdailar departamentine silteme jasap.
Saǵat 21.37-de kóp qabatty úidiń úshinshi qabatyndaǵy balkonnan úi iesiniń 2017 jylǵy qyzy men 2018 jylǵy týysy qulap ketken. Olar ártúrli dene jaraqatymen aýrýhanaǵa jatqyzyldy.
Sondai-aq, qalanyń sol jaǵalaý bóliginde kóp qabatty úidiń birinshi qabatynyń terezesinen úi iesiniń 2021 jylǵy balasy qulap ketti. Ol ártúrli dene jaraqatymen aýrýhanaǵa jatqyzylǵan.
«Ata-analardan kishkentai balalardy qaraýsyz qaldyrmaýdy suraimyz. Moskit tory balalardy terezeden qulaýdan qorǵai almaidy. Eresekterdiń qaraýynsyz balalardyń balkonǵa shyǵýyna ruqsat bermegen jón. Árbir balanyń ómirine ata-anasy jaýapty ekenin esten shyǵarmaǵan jón», - dep málim etti Qyzylorda oblystyq Tótenshe jaǵdailar departamentinen.
Vedomstvo málimetinshe, biyl mundai 7 oqiǵa tirkelgen. Byltyr olardyń sany 14 derekke jetti.
