Petropavlda tyiym salynǵan KyzdarNet saity arqyly zańsyz qyzmetti jarnamalaýmen ainalysqan transulttyq uiymdasqan qylmystyq topqa qatysty sot úkimi jariialandy, dep habarlaidy ult.kz.
Soltústik Qazaqstan oblysynyń prokýratýrasynyń málimetinshe, atalǵan qylmystyq is boiynsha Qazaqstanda alǵash ret KyzdarNet saitynyń qyzmetine qatysy bar uiymdasqan top músheleri jaýapqa tartyldy. Sot sheshimimen top jetekshisi 10 jylǵa, qalǵan bes qatysýshynyń árqaisysy 8 jylǵa bas bostandyǵynan aiyryldy.
Tergeý barysynda anyqtalǵandai, 2026 jyldyń naýryz aiynda Petropavl qalasynyń prokýratýrasy tyiym salynǵan sait arqyly intimdik qyzmetterdi jarnamalap, nasihattady degen kúdikpen alty adamǵa aiyp taqqan.
Vedomstvonyń málimetinshe, qylmystyq top belgilengen tarif boiynsha aqy alyp, intimdik qyzmet kórsetetin adamdardyń saýalnamalaryn saitta ornalastyryp, olardyń kórinýin arttyrýmen ainalysqan.
2026 jylǵy 19 maýsymda Soltústik Qazaqstan oblysynyń qylmystyq ister jónindegi mamandandyrylǵan aýdanaralyq soty KyzdarNet saity arqyly sýtenerlikke járdemdesý jáne ony qoldaýǵa qatysty elimizdegi alǵashqy sot úkimin shyǵardy.
Sot barlyq aiyptalýshyny kináli dep tanydy. Uiymdasqan toptyń jetekshisi 10 jylǵa, qalǵan qatysýshylardyń árqaisysy 8 jylǵa bas bostandyǵynan aiyryldy.
Qazirgi ýaqytta sot úkimi zańdy kúshine engen joq.
