Osy aida Qytaidyń ońtústigindegi Gýanchjoý qalasynda (Gýandýn provintsiiasy) 5 myń adamdyq halyqaralyq karantin ortalyǵy ashylady, dep habarlaidy QazAqparat.
Jergilikti BAQ-tyń habarlaýynsha, Gýanchjoýdaǵy halyqaralyq karantin ortalyǵy osy jyldyń qyrkúiek aiynyń sońynda paidalanýǵa beriledi. Ortalyqtyń barlyq ǵimaratynyń qurylysy aiaqtalǵan, qazirgi ýaqytta nysan aýmaǵy abattandyrylyp jatyr. Keshenniń aýmaǵy 25 gektar, ol A, B, C, D dep tórt aimaqqa bólingen. Meditsinalyq nysannyń 5 myń bólmesi bar. Buǵan deiin qytailyq epidemiolog Chjýn Nanshan málim etkendei, Gýanchjoýdaǵy iri halyqaralyq karantin ortalyǵynyń qurylysy shetelden keletin týristerge jáne epidemiologiialyq qaýip joǵary aimaqtardaǵy jergilikti turǵyndarǵa arnalǵan. Sebebi, karantinge berilgen jergilikti qonaqúiler sanitarlyq-epidemiologiialyq normalarǵa sai kelmeidi.
Eske salaiyq, Qytaiǵa keletin halyqaralyq reisterdiń 80-90%-y Gýanchjoýǵa qonady.
