Qytaidan kelgen qandas aqyn Erlan Amanqojauly indetpen kúresip jatqan qazaq halqyna arnaý aitty, dep habarlaidy "Ult aqparat".
Arnaýdyń videosyn aqyn áleýmettik jelidegi paraqshasynda jariialady.
«El barda er qor bolmas, er barda el qor bolmas» deidi dana halqymyz. Dál qazirgi ólara jaǵdaida elge de, el tizginin ustaǵan erge de aýyr synaqtar túsip tur. Judyryqtai bolyp jumyla bilgen el ǵana bundai náýbetti aman-esen jeńip shyǵary sózsiz. Birligimiz jaraspai óz ishimizden qujyrasaq, onda bul jalǵan opa bermesi aian. «Balapan basyna, turymtai tusyna» tartpai aýyz birligimizdi saqtap, qiyn-qystaý jaǵdaidan óz elimizben birge ǵana shyǵa alamyz. Jat bireý kelip bizdi jyǵylǵan orynymyzdan turǵyzbaidy. Eldigimizdiń týyn ustap, kóshin bastap kele jatqan prezident Qasym-Jomart Kemelulynyń bastaǵan kóshine senim bildirip, osy qyspaqtan elin aman alyp shyǵatynyna qoldaý kórsetsek qana halyq oilaǵan kún tezirek atar. El senimi aqtalar», - deidi aqyn Facebook paraqshasynda.
Erlan Amanqojanyń jazýynsha osy bir kúrdeli kezeńde shetten kelgen qandastardyń atynan pana bolǵan otanymyzǵa bir aýyz rizashyǵyn jetkizý - azamattyq paryzy ekenin aitady.
«Syn saǵattan súrinbei ótip, beti jaman indetten tezirek aiyǵyp, elimiz tynysh, jurtymyz aman bolsa eken. Qazaǵymnyń el tizginin senip tapsyrǵan azamattary seniminen shyǵyp, úmitin aqtap, erteńimiz jarqyn bolsyn!» - deidi ol.
Erlan Amanqojauly 1988 jyly 5 qarashada Qytai Halyq Respýblikasynyń Ile qazaq oblysy Muńǵulkúre aýdanynda dúniege kelgen. 2004 jyldan bastap aitysqa qatysqan. Aimaqtyq aitysta 4 márte birinshi oryn, Ile qazaq avtonomiialy oblysynyń dástúrli aitystarynda 2 márte bas júlde, Shyńjań ólkelik aitysta 2 márte ekinshi oryndy, óziniń týǵan jeri Muńǵulkúre aýdanynda 12 márte bas júlde alǵan. 2017 jyly Atyraýda ótken Halyqaralyq aqyndar aitysynda úshinshi oryndy, 2019 jyly Aqsýatta ótken Halyqaralyq aitystyń bas júldesin enshilegen.
