Photo: SCMP composite/Handout
Qytaida jalǵyzbasty áke mektepte nashar oqyǵany úshin 13 jastaǵy ulyn samýrai qylyshymen shaýyp óltirgen, dep habarlaidy Azattyq Ruhy.
South China Morning Post basylymynyń habarlaýynsha, ákesi balasynyń mektepte nashar baǵa alǵanyna ashýlanǵan.
«Qytaidyń ońtústik-batysynda jalǵyzbasty áke jasóspirim balasyn abaisyzda baýyzdap óltirgeni úshin 12 jylǵa bas bostandyǵynan aiyryldy», - delingen habarlamada.
Oqiǵa Ian Tsziýnmin esimdi er adamnyń ulynyń muǵalimine jolyqqanynan keiin bolǵan. Mektepte oǵan balasynyń oqý úlgerimi nashar ekeni habarlanǵan. Úiine ashýlanyp kelgen er adam balasyn «tym jalqaýsyń jáne bilim alýǵa esh umtylmaisyń» dep aiyptaǵan. Sodan keiin qolyna japonnyń samýrai semserin alyp soqqy jasaǵan.
Sot-meditsinalyq saraptama balanyń denesinde qaitys bolǵanǵa deiin birneshe ret soqqyǵa jyǵylǵanyn kórsetetin basqa da jaraqattary bolǵanyn anyqtady. Atalǵan oqiǵa Qytai jurtshylyǵy arasynda úlken rezonans týǵyzdy.
