© Sputnik / Ilia Naimýshin
Qazaqstannyń sý resýrstary jáne irrigatsiia ministrligi Qytaida bógettiń jarylǵanyn habarlady.
"Sý resýrstary jáne irrigatsiia ministrliginiń mamandary qytailyq áriptesterimen únemi bailanysta. Qytai tarapy transshekaralyq ózender arqyly sekýndyna 1400 tekshe metr sý jibergenderi týraly habardar etti", - delingen ministrlik habarlamasynda.
Eldimekenderdi sý basý qaýpi joq, dep atap ótti vedomstvo.
Búginde Boran gidrobeketi aýmaǵyndaǵy Qara Ertis ózeninde sý jiberý kólemi — sekýndyna 1700 tekshe metr, sýdyń deńgeii —543 sm.
"Aǵyndy sýdyń kelýin eskere otyryp, Boran aýyly aýmaǵynda Qara Ertis ózenindegi gidrologiialyq bekette sý deńgeii kóteriledi dep kútilýde. Osyǵan bailanysty ShQO "Qazsýshar" filialy mamandarynyń jumysy kúsheitilgen rejimge aýystyryldy", - dep atap ótti ministrlik.
Vedomstvonyń málimetinshe, Óskemen sý qoimasynan (Buqtyrma sý qoimasynyń kontrrettegishi) sý jiberý sekýndyna 500 tekshe metrden 800 tekshe metrge deiin ulǵaityldy.
Jaǵdai ministrdiń jeke baqylaýynda. Erteń vedomstvo basshysy Shyǵys Qazaqstan oblysyna barady. Búgin óńirde vitse-ministr Nurlan Aldamjarov júr.
