Qytaidyń Shandýn provintsiiasynda jergilikti turǵyndarǵa alǵash ret murynǵa shashatyn sprei túrindegi tumaýǵa qarsy vaktsina qoldanyla bastady, dep habarlaidy Sinhýa agenttigi.
Tumaýǵa qarsy vaktsinanyń bul jańa túri 3 jastan 17 jasqa deiingi balalarǵa jasalady. Murynǵa shashylatyn mundai vaktsinatsiia jylyna bir ret júrgiziledi. Murynǵa 0,1 ml sprei shashylady, 3 kúnnen keiin adam aǵzasynda antideneler paida bolady.
Qytailyq buqaralyq aqparat quraldarynyń habarlaýynsha, bul ónim Dúniejúzilik densaýlyq saqtaý uiymynyń (DDSU) tumaýǵa qarsy vaktsinalarynyń ǵalamdyq josparyna (GAP) engizilgen. 2011 jyly DDSU-nyń maquldaýymen tumaýǵa qarsy murynǵa shashylatyn sprei tehnologiiasy Qytaiǵa berilgen bolatyn.
Qazir Qytaida tumaýǵa qarsy vaktsinatsiia keń kólemde júrgizilip jatyr jáne búkilhalyqtyq vaktsinatsiia qazan aiynyń sońyna deiin aiaqtalady dep josparlanǵan.
