Qytaidyń «Tianven-1» zondy Marstyń turaq orbitasyna sátti shyǵaryldy. Bul týraly sársenbi kúni QHR Memlekettik ǵarysh basqarmasynyń málimetinde aityldy, dep habarlaidy "Ult aqparat".
«24 aqpanda saǵat 06:29-da qytailyq «Tianven-1» orbitalyq manevr jasaǵannan keiin Marstyń turaq orbitasyna sátti shyqty», - delingen málimdemede.
Zond quramy orbitalyq apparat, qoný modýli jáne marsohodtan turady. Roveri bar qoný modýli Marsqa biylǵy jyldyń mamyr nemese maýsym ailarynda qonýy kerek.
Eske sala keteiik, «Tianven-1» zondy 2020 jylǵy 23 shildede «Venchan» ǵarysh ailaǵynan «Chanchjen-5» zymyran-tasyǵyshynyń kómegimen ǵaryshqa ushyryldy.
Buǵan deiin QHR ǵaryshtyq basqarý memlekettik komitetinde málimdegendei, missiianyń ǵylymi maqsattarynyń biri – Mars betiniń morfologiiasy men geologiialyq sipattamalaryn, atmosferalyq ionosferany jáne qorshaǵan ortanyń tabiǵatyn, fizikalyq órister jáne planetanyń ishki qurylymyn zertteý.
Eske sala ketsek, 19 aqpan kúni Amerikanyń Aeronavtika jáne ǵarysh keńistigin zertteý jónindegi ulttyq basqarmasy (NASA) Marsqa Perseverance (Perseverans) roverin qondyrdy. Roverdiń Qyzyl ǵalamshardaǵy basty mindeti –tirshilik belgisin izdeý.
Keiinnen NASA marsohodtyń Qyzyl ǵalamshar betine qonǵan áserli videosyn jariialady.
