Qytaidyń Shenchjoý-13» pilottyq kemesi «Tianhe» ǵarysh stansasynyń modýlimen túiisti. Bul týraly QazAqparat tilshisi Qytai Ulttyq ǵarysh basqarmasyna silteme jasap habarlaidy.
«Shenchjoý-13» kemesi Qytaidyń soltústiginde ornalasqan «Tsziýtsiýan» ǵarysh ailaǵynan jergilikti ýaqytpen saǵat 00:23-te ushyryldy. Kemeni orbitaǵa shyǵarý úshin «Chanchjen-2-ef» zymyran tasyǵyshy qoldanylǵan.
Senbi kúni jergilikti ýaqyt boiynsha saǵat 06:56-da bortynda ekipajy bar qytai ǵarysh kemesi «Tianhe» ǵarysh stansasynyń negizgi modýlimen túiisken.
Jaqyn arada úsh taikonavt «Tianhe» stansasynyń negizgi modýline ótip, stansaǵa qyzmet etýge qosylady.
Eske sala ketsek, bul - Qytaidyń pilottyq ekinshi ǵarysh kemesi, ǵaryshkerler orbitada alty ai bolyp, ashyq ǵaryshqa eki-úsh ret attanady.
Qyrkúiek aiynda orbitaǵa kezekti missiianyń ǵarysh stansasynda uzaq ýaqyt bolýyn qamtamasyz etýi úshin azyq-túlik jáne arnaiy jabdyqtar tielgen júk kemesi jiberilgen.
Qyrkúiekte «Shenchjoý-12» pilottyq ǵarysh missiiasy sátti aiaqtalǵan bolatyn.
«Tianhe» ǵarysh stansasy 2022 jyly jumys istei bastamaq.
