Foto: primeminister.kz
Ulttyq ekonomika ministri Álibek Qýantyrov tilek tileýdiń otbasylyq dástúri týraly aitty, dep habarlaidy Sputnik Qazaqstan.
Búgin Cenat otyrysynan keiin jýrnalister ministrden jańa jyldyń aldyndaǵy otbasylyq dástúrler, ózgege uqsamaityn yrymdar týraly surady. Ministrdiń óz tilekterin qaǵazǵa jazyp, gúl otyrǵyzatyn qysh qumyraǵa bir jylǵa kómip qoiatynyn aitty.
"Erekshe bir otbasylyq dástúr, ol - tilek tileý dástúri. Tilek qaǵazǵa jazylady da, qysh qumyraǵa búktelip salynady, sosyn jermen jabylady. Kelesi jylda qazyp alamyn", - dedi Qýantyrov.
Osy oraida jýrnalister: "Ministr bolýdy da solai tiledińiz be?", - dep suraq qoidy. "Joq, ministr bolýǵa tilek jazǵan joqpyn. Biraq basqa tilekterim oryndaldy. Máselen, Garvardqa túsýdi tiledim, tústim. Biraq kete almadym, biyl ministr qyzmetine taǵaiyndap qoidy", - dep atap ótti Qýantyrov.
