«Qazgidromet» RMK 2021 jylǵy qarasha - 2022 jylǵy naýryz ailaryna konsýltativtik maýsymdyq aýa raiy boljamyn jariialady, dep habarlaidy "Ult aqparat".
Qarasha - kúzden qysqa birtindep aýysý kezeńi
Aidyń birinshi jartysy jyly bolady dep boljanyp otyr - Qazaqstannyń soltústik jartysynda aýa temperatýrasy túnde -3+2°S-tan -8-13°S-qa deiin, kúndiz +3+10°S-tan -2+3°S-qa deiin aýytqýy múmkin.
Respýblikanyń soltústiginde, soltústik-batysynda, shyǵysynda jáne ortalyǵynda ekpindi jel soǵyp, jaýyn-shashyn (kóbinese qar túrinde) bolady, onkúndiktiń sońynda jiileidi. Kóktaiǵaq pen tuman bir ai boiy jii baiqalady. Aidyń ekinshi jartysynyń eń sýyq kúnderinde termometr baǵanasy túnde -17-25°S-qa deiin, kúndiz -8-13°S-qa deiin, al elimizdiń shyǵysynda túnde -30°S-qa deiin, kúndiz -18°S-qa deiin tómendeidi.
Elimizdiń batysy, ońtústigi men ońtústik-shyǵysynda jaýyn-shashyn bolady, jańbyr aralas qar jaýady. Eń jyly kúnderi aidyń birinshi jartysynda boljanady, kúndiz aýa temperatýrasy +10+18°C-qa deiin joǵarylaýy múmkin, alaida qarashanyń ekinshi jartysynda temperatýra fony túnde -5-17°C, kúndiz -2-7°C-qa deiin tómendeidi. Úshinshi onkúndikte kún qaitadan jylynady.
Qazaqstanda 2021-2022 jyldar aralyǵynda qys klimattyq normaǵa jýyq bolady dep boljanady
Jeltoqsanda coltústik aimaqtarda qarly borandy kúnder kqp bolady, al ońtústik aimaqtarda tuman men kóktaiǵaq jii baiqalady. Jeltoqsan aiynda jaýyn - shashyn mólsheri respýblikanyń basym bóliginde normadan az, elimizdiń soltústik jartysy men shyǵysynda norma shamasynda, QR qiyr soltústiginde normadan kóp bolady dep boljanady.
Qańtar - jyldyń eń sýyq aiy, óitkeni Mońǵoliia aimaǵynan antitsiklonynyń áseri kúsheie túsedi. Túngi saǵattarda termometr baǵany QR soltústik jartysynda -35-40°S-qa deiin, ońtústiginde -22-30°S-qa deiin tómendeýi múmkin. Ortasha ailyq aýa temperatýrasy respýblika aýmaǵynyń basym bóliginde normadan 1-2° tómen, elimizdiń qiyr batysynda, ońtústik-batysynda, soltústiginde, ońtústiginde jáne ońtústik-shyǵysynda norma shamasynda bolady. Respýblika boiynsha jaýyn-shashyn mólsheri kópjyldyq normadan az, elimizdiń qiyr soltústik-batysynda, soltústik-shyǵysynda jáne Almaty oblysynyń ońtústik-shyǵysynda - norma shamasynda boljanady.
Aqpan qys mezgilin aiaqtaidy, biraq onyń klimattyq sipattary men ainalym erekshelikteri qańtarǵa óte jaqyn. Qar men boran, ádette, Qazaqstannyń soltústik jartysynda saqtalady. Ortasha ailyq aýa temperatýrasy QR aýmaǵynyń basym bóliginde norma shamasynda, respýblikanyń ońtústik-shyǵysynda normadan 1° joǵary bolady dep boljanýda. Jaýyn-shashyn respýblikanyń basym bóliginde norma shamasynda, elimizdiń ońtústik-batys jartysynda, Ortalyq Qazaqstannyń batysynda normadan az, respýblikamyzdyń ońtústigi men ońtústik-shyǵysynyń taýly jáne taý bókterindegi aýdandarynda normadan kóp boljanady.
Qazaqstannyń ońtústigi úshin Naýryz - ádettegi kóktem aiy, al soltústik oblystarda qys áli de jalǵasýda. Naýryzda aýa-raiy qatty ózgeredi. Naýryz aiy aýa temperatýrasynyń kúrt aýytqýymen jáne jii jaýyn-shashynnyń jaýýymen sipattalady.
Boljam boiynsha kóktemniń alǵashqy aiy sýyq bolady. Qazaqstan aýmaǵynyń basym bóliginde ortasha ailyq aýa temperatýrasy normadan 1-2° tómen, al QR-nyń qiyr batysynda norma shamasynda bolady dep kútilýde. Naýryzda jaýyn-shashyn mólsheri respýblikanyń soltústik jartysynda jáne qiyr ońtústiginde, ońtústik-shyǵysynda norma shamasynda, eldiń ońtústik jartysynda normadan az bolady dep boljanady.
