"Qazgidromet" RMK sinoptikteri qyrkúiekke arnalǵan aýa raiy boljamyn usyndy, - dep habarlaidy "Ult aqparat".
Qazaqstan aýmaǵynyń basym bóliginde, kópjyldyq derekter boiynsha, úsik qyrkúiektiń birinshi jartysynda, ońtústik óńirlerde aidyń sońynda ǵana baiqalýy múmkin. Alaida konsýltativtik boljamǵa sáikes, aidyń basynda eldiń soltústik jáne ortalyq aimaqtarynda topyraq betinde 2 gradýsqa deiin aiaz bolady dep boljanǵan.
Qyrkúiektiń basynda tsiklonnyń jáne onymen bailanysty atmosferalyq fronttar áserinen aýa raiynyń turaqsyz sipaty eldiń batys, shyǵys aimaqtarynda jáne ońtústik-shyǵystyń taýly aimaqtarynda baiqalady. Onkúndiktiń sońynda Qazaqstannyń soltústik-batys jartysynda kún kúrkirep, burshaq jaýyp, jel kúsheiip, ekpini 15-23 m/s-ǵa deiin jetedi.
Aidyń birinshi onkúndiginde Batys sýyq antitsiklonynyń, batys óńirlerge kirýi kúndiz aýa temperatýrasynyń +30+35 gradýstan +17+25 gradýsqa deiin tómendeýine ákeledi. Sonymen qatar, respýblikanyń qalǵan aýmaǵynda Jerorta teńiziniń shyǵys jaǵalaýynan jyly aýa massalarynyń ońtústik-batysqa shyǵarylýyna bailanysty respýblikanyń soltústiginde, ortalyǵynda, shyǵysynda aýa temperatýrasynyń kúndiz +13+20 gradýstan +23+30 gradýsqa deiin, ońtústiginde, ońtústik-shyǵysynda +25+32 gradýstan +28+37 gradýsqa deiin ózgerýi kútiledi.
Ekinshi onkúndiktiń basynda batys óńirlerden sýyq antitsiklon eldiń soltústigi men ortalyǵyna salqyn aýa massasyn ákeledi. Nátijesinde aýa temperatýrasy salqyndaýy múmkin.
Aidyń ekinshi jartysynda aýa temperatýrasy Qazaqstannyń soltústiginde, ortalyǵynda jáne shyǵysynda túnde +5+13 gradýstan -5+10 gradýsqa deiin, kúndiz +20+28 gradýstan +15+20 gradýsqa deiin; eldiń ońtústiginde jáne batysynda túnde +7+15 gradýstan 0,+5 gradýsqa deiin, kúndiz +25+30 gradýstan +17+22 gradýsqa deiin aýytqidy.
Sinoptikter bir aiǵa arnalǵan boljam sinoptikalyq jaǵdaidyń ózgerýine qarai túzetilýi múmkin ekenin jáne onkúndik boljamdarmen naqtylanatyn qos aitty.
