Jol aqysyn sms-habarlama jáne mobildik qosymsha arqyly tóleý aiasynda elimizdegi «Bilain» uialy bailanys operatory jolaýshylar úshin arnaiy naýqan engizip, onyń aiasynda ádettegi 90 teńge kólemindegi jol aqysynyń 89 teńgesin jolaýshy úshin tóleýge daiyn. Bul jóninde Búgin qalalyq ákimdikte ótken Astana qalasynyń Qoǵamdyq keńesiniń otyrysynda «Astana LRT» JShS basqarma tóraǵasy Bekmyrza Igenberdiev málimdedi, dep habarlaidy Baq.kz tilshisi.
Bekmyrza Igenberdiev Astanada jol aqysyn mobildik qosymsha nemese sms-habarlama arqyly tóleýge bolatynyn málimdegen bolatyn.
«Bilain uialy bailanys operatory jolaýshylarǵa arnalǵan naýqan usynady. Bilain mobildi bailanysty qoldanatyn jolaýshylar jolaqyny SMS arqyly tólegen jaǵdaida, 1 teńge tólese, qalǵan 89 teńgeni Bilain tóleitin bolady. Aktsiia qyrkúiek aiynda bastalyp, bir aiǵa sozylady. Sodan keiin 2018 jyldyń sońyna deiin ár dúisenbi saiyn júrgiziledi», - dedi Igenberdiev.
Sonymen qatar, JShS basshysy málim etkendei, aldaǵy ýaqytta kobrending kartalary iske qosylatyn bolady.
«Bul jolaýshylarǵa eki karta ornyna bir karta qoldaný múmkindigin beredi. Paidalanýshyǵa mindetti túrde kólik kartalaryn satyp alý qajettiligi bolmaidy. Olar ózderine qyzmet kórsetetin bankterden dýal kartalar ala alady. Pilottyq joba aiasynda Eýraziia bankimen birlesip, alǵashqy 3-5 myń karta iske qosylady», - degen ol aldaǵy ýaqytta basqa bankterdi de iske qosý josparda bar ekenin aitty.
Qoǵamdyq tyńdaý barysynda málim bolǵandai, saralanǵan tariftiń engizilýimen astanalyq tasymaldaýshylardyń tabysy artqan. Jańa tarif engizilgen alǵashqy aptalardyń qorytyndylary boiynsha avtoparkterdiń tabysynyń 15% kóleńkeli tabystan shyqqan.
«Aldaǵy ýaqytta Astananyń qoǵamdyq kólik paidalanýshylarynda kólik kartalaryn mobildi qosymsha arqyly qashyqtyqtan toltyrý múmkindigi paida bolady. Beeline men Kcell/Activ uialy bailanys operatorlarynyń klientteri arnaiy qysqa nómirge kólik kartasynyń nómiri men tólem somasy bar SMS joldap, kólik kartasynyń teńgeriminiń qashyqtyqtan toltyra alady», - dedi basqarma tóraǵasy.
Eske sala ketsek, astanalyqtar jol aqysyn telefon kómegimen SMS ne mobildi qosymsha arqyly sol mezette tólei alady.
