Foto: ura.ru
Bul týraly Bishkekte ótken brifingte eldiń Tótenshe jaǵdailar ministrligi basshysynyń orynbasary Ýrmatbek Shamyrqanov málimdedi, dep habarlaidy Sinhýa agenttigi.
Ol Osh, Jalal-Abad jáne Talas oblystarynda tótenshe jaǵdai engizilgenin habarlady.
Aitýynsha, 20 sáýirden beri respýblikada tolassyz jaýǵan jańbyr saldarynan 50-ge jýyq sel bolǵan. 200-den astam turǵyn úi men 300 aýla, birneshe mektep pen áleýmettik nysan sý astynda qaldy. Lai aǵyndary joldar men kópirlerdi basyp qaldy.
Buǵan deiin Tótenshe jaǵdailar ministrligi Jalal-Abad oblysynyń Nooken aýdanynda selge qarsy bógetti sý jaryp ótip, 300 úidiń turǵyndary qaýipsiz jerge kóshirilgenin habarlaǵan bolatyn. Osh oblysynyń Qara-Qulja aýdanynda sel kólikti alyp ketip, ishindegi adam qaza tapty.
Seisenbi kúni Qyrǵyzstan prezidentiniń baspasóz hatshysy Asqat Alagózov selden zardap shekkenderge kómek kórsetiletinin aitty.
