27 qyrkúiekten bastap «Qazaqstan» Ulttyq telearnasynan joǵalǵan jandardy izdeýge arnalǵan «Qymbat jandar» áleýmettik telejobasy efirge shyǵady, dep habarlaidy "Ult aqparat".
Jobanyń basty maqsaty - túrli jaǵdaida jaqyndaryn joǵaltqan keiipkerlerge barynsha qoldaý kórsetip, tiisti mekemelerdiń tikelei kómegimen habar alýǵa qolushyn berý.
«Qazaqstanda sońǵy 5 jylda 13 myń adam iz-túzsiz ketken. Elimizde ai saiyn 220 adam jaqyndarynan alystaidy. Bul - kóńilge kirbiń uialatatyn statistika. Iz-túzsiz joǵalǵan ár adamnyń taǵdyry da ár qily. Kei adam ashý ústinde jaqyndarynan baz keship, otbasynan ketip qalsa da, arada kóp jyl ótken soń qaita tabysqysy keledi. Bizdiń maqsatymyz - sol jandardyń otbasyna oralýyna járdemdesý. «Qymbat jandar» - taǵdyrdyń jazýymen bir-birinen qol úzip qalǵandardy qaýyshtyratyn alań. Qazirdiń ózinde redaktsiiaǵa túrli hattar kelip túsýde. Eń ókinishtisi, olardyń arasynda anasynan ajyrap qalǵan balalar bar», - deidi baǵdarlama júrgizýshisi Qymbat Dosjan.
Qazaqstandyqtar baǵdarlamaǵa +77075355383 WhatsApp nómiri boiynsha nemese qymbat_jandar@kaztrk.kz elektrondy poshtasy arqyly óz oqiǵasyn joldai alady.
Joba Ulttyq arnadan 27 qyrkúiekten bastap ár jeksenbi kúni saǵat 12:00-de efirge shyǵady.
