Foto: QR QM
QR Prezidentiniń 2024 jylǵy 1 aqpandaǵy Jarlyǵyna sáikes kúzgi shaqyrý qyrkúiekte bastalyp, jeltoqsan aiynyń sońyna deiin jalǵasady, dep habarlaidy "Ult aqparat" Qorǵanys ministrliginiń baspasóz qyzmetine silteme jasap.
Merzimdi áskeri qyzmetke shaqyrýdy keiinge qaldyrýǵa nemese bosatýǵa negizderi joq 18 jastan 27 jasqa deiingi azamattar shaqyrylady.
Kúzgi shaqyrý barysynda Qarýly kúshterdiń (9 933), Ulttyq ulannyń (6 822), UQK Shekara qyzmetiniń (3 200), TJM (317) jáne Memlekettik kúzet qyzmetiniń (290) bólimsheleri jasaqtalatyn bolady.
Qorǵanys ministrligi áskerge shaqyrýdy esepke alý jumysyn tsifrlandyrý jumystaryn dáiekti túrde júrgizip keledi. Áskerge boryshyn óteýge shaqyrylǵan áskeri qyzmetshiler týraly málimet almasý, sondai-aq olardy zapasqa shyǵarý avtomattandyrylǵan.
Biylǵy jyly sarbazdarǵa arnalǵan artyqshylyqtar zań júzinde bekitildi. Olarǵa qyzmet etý kezinde jáne áskerden bosatylǵannan keiin eki ai ýaqytqa nesielik demalys beriledi. Búgingi tańda 6 myńnan astam áskeri qyzmetshiniń 1 mlrd 828 mln teńge somasyndaǵy tólemderi keiinge qaldyryldy. Sonymen qatar kredittiń bolýyn ne bolmaýyn, ol boiynsha tólemdi keiinge qaldyrýdy belgileý Qarjy naryǵyn retteý jáne damytý agenttigi aiqyndaǵan tártippen Qorǵanys ministrliginiń, kredittik biýrolar men kreditorlardyń aqparattyq júieleriniń ózara is-áreketi arqyly júzege asyrylady.
Otan aldyndaǵy boryshyn ótegen azamattarǵa stýdenttik jataqhanadan oryn berý jeńildikteri de qarastyrylǵan. Búgingi tańda áskerde qyzmet etken myń jarymnan astam azamat joǵary oqý oryndaryna tegin, al aqyly túrde 700-den astamy oqýǵa tústi. Osy jyldyń kókteminde zapasqa shyǵarylǵan 400-den astam áskeri qyzmetshi kelisimshart boiynsha áskeri qyzmetke ornalasty.
Prezidenttiń tapsyrmasy boiynsha Qarýly kúshter memlekettik úlgidegi kýálikterdi bere otyryp, áskeri qyzmetshilerdi aralas jumysshy mamandyqtaryna oqytty. Bul másele Memleket basshysynyń Qazaqstan halqyna Joldaýynda da aitylyp, 2025 jyl – Jumysshy mamandyqtar jyly dep jariialandy. Jyl saiyn jumysshy mamandyqtarynyń sany da artyp keledi. 2023 jyly 1200-ge jýyq maman oqytyldy. Biylǵy jyly 1300-den asa adamdy oqytý josparlanyp otyr.
Qalalyq jáne aýdandyq shaqyrý komissiialary jergilikti atqarýshy organdar ákimderiniń orynbasarlarynyń tóraǵalyǵymen jumys isteitinin esterińizge sala keteiik. Shaqyrý naýqany barynsha ashyq formatta ótkiziledi.
Áskerge shaqyrylýshylar, olardyń ata-analary, jýrnalister, qoǵam ókilderi qajetti aqparatqa júginip, barlyq suraqtarǵa jaýap ala alady. Ár qorǵanys isteri jónindegi departamentinde «jedel jeli» men áleýmettik jelilerdegi resmi akkaýnttar iske qosylǵan.
