Kútim balyǵy Qazaqstannyń qyzyl kitabynan shyǵarylýy múmkin. Bul jaiynda Májilis depýtattarynyń saýalyna QR Ekologiia, geologiia jáne tabiǵi resýrstar ministriniń mindetin atqarýshy Áliia Shalabekovanyń jaýabynda aitylǵan, dep habarlaidy QazAqparat.
«Ósimdikter men janýarlardyń sirek kezdesetin jáne quryp ketý qaýpi tóngen túrleriniń tizbesin bekitý týraly» QR Úkimetiniń 2006 jylǵy 31 qazandaǵy № 1034 qaýlysymen kútim balyǵy sirek kezdesetin jáne quryp ketý qaýpi tóngen janýarlar túrleriniń tizbesine engizilgen», -dedi ol jaýabynda.
Onyń atap ótýinshe, «Janýarlar dúniesin qorǵaý, ósimin molaitý jáne paidalaný týraly» QR Zańynyń 3-babynyń 2-tarmaǵyna sáikes janýarlar túrlerin sanattarǵa jatqyzý jáne olardy bir sanattan basqasyna aýystyrý janýarlar dúniesiniń túrlik sanalýandyǵyn saqtaý, olardy qorǵaý, ósimin molaitý jáne ornyqty paidalaný maqsatynda biologiialyq negizdeme negizinde vedomstvoaralyq zoologiialyq komissiianyń usynymy boiynsha júrgiziledi.
«Óz kezeginde, 2022 jyldyń basynan beri «Kaspii teńiziniń qazaqstandyq bóligindegi biologiialyq resýrstardyń jaǵdaiyn baǵalaý boiynsha keshendi teńiz zertteýlerin júrgizý» biýdjettik baǵdarlamasy aiasynda Kaspii teńizinde mamandyrylǵan ǵylymi uiymmen tiisti ǵylymi zertteýler júrgizilýde. Onyń ishinde kútim balyǵyn tizbeden shyǵarý boiynsha jumystar qarastyrylǵan jáne zertteýlerdi shilde aiynda aiaqtaý josparlanyp otyr. Ǵylymi uiym tiisti qorytyndy usynǵan jaǵdaida qoldanystaǵy zańnama aiasynda ministrlik kútim balyǵyn tizbeden shyǵarý boiynsha tiisti sheshimder qabyldaityn bolady», - dedi Áliia Shalabaeva.
