Elordada keshegi qatty daýyl kezinde aitarlyqtai tótenshe jaǵdai oryn alǵan joq. Bul týraly qalalyq Tótenshe jaǵdai departamentinen málim etti, dep habarlaidy QazAqparat tilshisi.
Vedomstvo málimetinshe, keshe saǵat 19:17-de Sembinov kóshesi boiyndaǵy 10/4-úidegi páterdiń biriniń áinekti balkonyna qulaý qaýpi tóngen. Oqiǵa ornyna jedel jetken qutqarýshylar arnaiy quraldyń kómegimen kólemi 60*120 sm bolatyn balkon áinegin sheship alǵan.
«7 sáýir kúni saǵat 21:23-te Jolymbetov kóshesi boiyndaǵy 4-úidiń janynda aǵashtyń elektr taratý jelisine qulaǵany týraly aqparat kelip tústi. Oqiǵa ornyna jetken mamandar aǵashty aralap, elektr jelisinen túsirip aldy. Sol jerde «Aqmola elektr jelisin taratý kompaniiasynyń» arnaiy brigadasy boldy», - dep atap ótti departamentten.
