Senator Aqylbek Kúrishbaev bilim berý nysandaryndaǵy qaýipsizdikti qamtamasyz etý sapasyna narazy. Depýtat Ishki ister, sondai-aq Bilim jáne ǵylym ministrlerine joldaǵan depýtattyq saýalynda jaqynda Reseidiń Qazan jáne Perm qalalarynda oqýshylar qaitys bolǵan qaiǵyly jaǵdai oqý oryndaryn qorǵaýǵa kóp kóńil bólý kerektigin kórsetti dep málimdedi.
Onyń pikirinshe, Qazaqstanda bul máselede óte mańyzdy kemshilikter bar. Mektepter men ýniversitetterdi kóbinese kúzet agenttikteri tóleitin az jalaqyǵa jumys isteitin zeinetkerler kúzetedi. Al keibir jaǵdailarda munymen litsenziialary da, daǵdylary da, tártip buzýshylardy ustaý úshin arnaiy quraldary da joq shtattyq vahterler ainalysady.
«Elimizdiń oqý oryndaryndaǵy qaýipsizdik júiesindegi problemalarǵa budan ári kóz juma qaraýǵa bolmaidy. Sebebi tarazynyń basynda – bizdiń balalarymyzdyń ómiri men densaýlyǵy tur. Ýákiletti memlekettik organdarǵa osy saladaǵy isterdiń naqty jaǵdaiyna syni taldaý júrgizýdi jáne kúzet qyzmetine qoiylatyn talaptardy kúsheitýdi, jumysqa kásibi kadrlardy tartý jáne qazirgi zamanǵy tsifrlyq tehnologiialardy, onyń ishinde beinemonitoring pen beinetaldaýdy paidalaný arqyly elimizdiń bilim berý obektilerinde qaýipsizdik júiesin túbegeili qaita qaraýdy usynamyn», - dedi senator.
Aqylbek Kúrishbaev Senat depýtattary bul jumysqa zańnamalyq deńgeide belsene qatysýǵa daiyn ekenin atap ótti.
