Almaty ákimi Baqytjan Saǵyntaev Bostandyq aýdanynyń turǵyndarymen kezdesýde qaladaǵy qoǵamdyq kólikterdiń jaǵdaiy týraly aitty, dep habarlaidy "Ult aqparat".
«Turǵyndardy qoǵamdyq kólikpen tolyq qamtamasyz etý úshin bizge keminde 2100 avtobýs qajet. Búgingi kúni 1600 avtobýs bar. Olardyń barlyǵy jelige birdei shyqpaidy. Buzylady, jolda synyp qalady. Kúnde tańerteń adam tasymaldaýǵa shyqqan avtobýstar týraly aqparat alyp otyramyn. Tańǵy saǵat 08:00-de qoǵamdyq kólikterdiń 88-90% júredi. Iaǵni qoldanystaǵy 1600 avtobýstyń 10% shyqpaidy. 160 avtobýs júrmeidi. Nege shyqpaidy? Buzylady!», - dedi Baqytjan Saǵyntaev.
Ákim júrgizýshilerge qatysty máseleni aita kele, olardyń kóbi qalany jaqsy bilmeitinin, syrttan kelgenin jetkizdi.
Sondai-aq, ol kelesi jyly 200 trolleibýs satyp alynatynyn atap ótti.
