"Biz qylmystyq qýdalaý organynyń kúdiktiniń úiqamaqta bolý merzimin qylmystyq is materialdarymen tanysý kezeńine uzartý týraly ótinishhatyn qarap otyrmyz. Eljan Birtanovtyń úiqamaǵyn 2022 jyldyń 14 qańtaryna deiin uzartý, iaǵni 2 aiǵa deiin uzartý týraly ótinishin qanaǵattandyrýyńyzdy suraimyn", - dedi bas prokýratýranyń qylmystyq qýdalaý qyzmeti bóliminiń prokýrory Tólegen Jaraspaev.
Sýdia "qylmystyq is materialdar qansha tomnan turatynyn" surady.
"Qazirgi ýaqytta qylmystyq isti tergeý aiaqtaldy. Protseske qatysýshylar 133 tommen tanysý satysynda", - dedi prokýror.
"133 tom?" - dep tańǵaldy sýdia Isaeva.
Prokýror sózin rastaǵanda, "133 tom. Bir kúdikti?" dep taǵy surady sýdia. Prokýror dál solai ekenin aitty.
"Qansha qorǵaýshy jáne advokat?", - dedi sýdia Isaeva.
Prokýror Birtanovtyń úsh advokaty men eki qorǵaýshysy bar ekenin aitty. Qazir is materialdarymen tanysý kezeńi júrip jatyr. 133 tomnan bólek zattai aiǵaqtar bar.
Sondai-aq, sýdianyń aitýynsha, tergeý qaita jalǵasqan. Alaida prokýror tergeý 7 shildede aiaqtalyp, qaita ashylmaǵanyn túsindirdi.
Prokýror kúdiktiler men qorǵaýshylardy tanystyrý 26 shildeden beri júrip jatqanyn túsindirdi. Zardap shekken tarap materialdarymen tanysqan.
Sýdia qaraýǵa qansha tom qalǵanyn anyqtaýǵa tyrysty, biraq prokýror bul suraqqa jaýap bere almady.
Birtanovtyń advokaty Dmitrii Kýrechenko taǵy 20 jáshik zattai aiǵaq bar ekenin aitty. Ol sottan eks-sheneýnikti tanystyrý merzimine qamaýǵa alý kúshin joiýdy surady.
"Sottan Birtanovty jáne zańdy mazaq etýdi toqtatýdy suraimyn. Birtanovty qamaýǵa alý úshin ne bar, tergeýshiler men prokýror úndemei otyr, óitkeni olar sotqa eshteńe aitpaidy, sonyń ishinde ótinishte. Densaýlyq saqtaý ministriniń ókilettikterin teris paidalandy dep kúdik keltirilgen Birtanovty qamaýǵa alýdy uzartýǵa tergeý dálelderiniń zańdylyǵyn tekserýdi suraimyn.
Birinshi dálel: "Birtanov pen Ábishev (Densaýlyq saqtaý ministrliginiń burynǵy vitse-ministri Oljas Ábishev. – eskert.) platformany 2018 jyldyń jeltoqsanynda jumys istemeitin kúide qabyldady. Qylmystyq isti tirkeý negizine alynǵan 2020 jylǵy 31 naýryzdaǵy aýditorlyq esepke sáikes, it-sarapshylardyń qatysýymen memlekettik aýditorlar platformany tekserdi. Nátijeleri boiynsha aqparattyq júie kelisimshartta kózdelgen talaptarǵa sáikes keletini anyqtaldy. Fýnktsionaldylyq týraly eskertýler anyqtalǵan joq.
(...) Sottyń nazaryn erekshe aýdaramyn: qosa berilip otyrǵan barlyq qabyldaý-tapsyrý aktilerinde Birtanov joq. Platformany vitse-ministrdiń ókilettikterine sáikes Tsoi men Ábishevtiń aktileri boiynsha qabyldady. Ministr Birtanovtyń ókilettikteri arasynda qandai da bir jumystardy nemese qyzmetterdi qabyldaýǵa ókilettigi joq. Birtanov óz ókilettikterin asyra paidalana almady", - dedi advokat sot otyrysynda.
2020 jyldyń 25 maýsymynda Eljan Birtanov densaýlyq saqtaý ministri qyzmetinen bosatyldy. Qyrkúiekte Eljan Birtanovtyń úiqamaqtaǵy merzimi 14 qarashaǵa deiin uzartyldy. Densaýlyq saqtaý ministrliginiń burynǵy basshysy Eljan Birtanov 2020 jyldyń qarashasynan beri úiqamaqta otyr.
Burynǵy ministr Eljan Birtanov pen burynǵy vitse-ministr Oljas Ábishev Densaýlyq saqtaý ministrliginiń jumys istemeitin aqparattandyrý platformasyn qabyldap, iske qosý arqyly qyzmet babyn asyra paidalandy degen kúdikke ilindi. Advokat túsindirgendei, quqyq qorǵaý organdary is boiynsha bapty qaita saralaǵan.
