Álemge tanymal qazaq ánshisi Dimashtyń áni Cubavisión Ulttyq telearnasynyń «De La Gran Escena» («Uly sahnada») baǵdarlamasynda qosyldy, dep habarlaidy "Ult aqparat".
Qazaqstandyq ánshiniń «Olimpico» áni «La música, ese placer» («Mýzyka – bul lázzat») bóliminiń shymyldyǵyn japty.
Aita keteiik, «De La Gran Escena» («Uly sahnada») baǵdarlamasy alǵash ret 1985 jyly efirge jol tartqan. Ol barlyq kezeńdegi Kýbalyq jáne álemdik mýzykalyq shyǵarmalardyń eń tanymaldaryn usynady. Baǵdarlamany telearnanyń eń bedeldi jýrnalisteri júrgizedi.
«Bizdiń súiikti ánshimizdi telearnadan kórsetýdi suraǵan kýbalyq Dears-ke taǵy da alǵys aitqymyz keledi! Osynyń arqasynda Dimashtyń shyǵarmashylyǵymen adamdar taǵy da kóptep tanysady degen úmittenemiz», – dep ártistiń Kýbalyq jankúierleri Instagram-akkaýntynda bólisti.
