Aralas jekpe-jek sheberi Qýat Hamitov "halyq únin" jetkizý úshin óz partiiasyn qurýǵa májbúr bolǵanyn jetkizdi, dep habarlaidy Sputnik Qazaqstan.
"Men partiia ashatynymdy resmi túrde jariialaimyn. Muny qalamaǵan edim, alaida memleket bul isti jedeldetti. Partiia halyq úni estilýi úshin ashylady. Meniń esigim kez kelgen adam úshin ashyq. Qalaǵan adam partiiaǵa qosyla alady", - dep jazdy ol Instagram paraqshasynda.
2015 jyly "Naiman" Nur Otan partiiasynyń quramyna qosylǵan edi, keiin shyǵyp ketti.
Eske sala ketsek, búgin, 28 qańtarda Almaty qalasy Almaly aýdanynda Qylmystyq kodekstiń 272-babynyń 3-bóligi boiynsha Qýat Hamitov kináli dep tanyldy.
Qýat Hamitov bilik ókilderine belsendi túrde baǵynbaýǵa shaqyrǵan videosy úshin sotqa shaqyrylǵan bolatyn. Sportshy jasaǵan áreketin tolyq moiyndady. Qýat Hamitov kináli dep tanylyp, alty ai bas bostandyǵynan shekteý týraly úkim taǵaiyndaldy.
2020 jyly qyrkúiekte sportshy dezinfektsiia jasaýshylar "halyqty ýlap jatyr" dep málimdep, olardy uryp-soǵýǵa úndegen bolatyn. Keiinnen sportshy ol videonyń ázil retinde túsirilgenin aitty.
