«Iýventýstiń» portýgaliialyq shabýylshysy Krishtianý Ronaldý $1 mlrd tabys tapqan álemdegi alǵashqy fýtbolshy boldy. Bul týraly amerikalyq Forbes jýrnaly habarlady.
35 jastaǵy oiynshy 2020 jyly $105 mln aqsha taýyp, Forbes reitinginde tórtinshi oryn ielendi. Argentinalyq Lionel Messi ($104 mln) tizimde besinshi orynǵa jaiǵasqan. Ol kelesi jyly milliarderler tizimin tolyqtyrýy múmkin. Al Ronaldý sportshylar arasynda tennisshi Rodjer Federerden keiin ($106,3 mln) ekinshi boldy.
$1 mlrd qarjynyń $650 milliony fýtbolshynyń 17 jyl boiy kásibi mansabynda alǵan jalaqysy ekeni atalyp ótildi. «Iýventýspen» kelisimge sáikes, 2022 jyly bul soma $765 mln qarajatqa ósýi tiis.
Ronaldý «Iýventýs» quramynda 2018 jyldyń jazynan beri alańǵa shyǵyp keledi. Buǵan deiin ol ispandyq «Real», Angliianyń «Manchester Iýnaitedi» men portýgaliialyq «Sporting» quramynda oinady. Ol bes ret «Altyn dop» iegeri, Chempiondar ligasynyń bes dúrkin jeńimpazy, úsh dúrkin Angliia chempiony, eki ret Ispaniia jáne Italiia chempiony bolǵan.
