Memlekettik hatshy Qyrymbek Kósherbaev Almaty qalasynda qazaqtyń tuńǵysh antropologi Orazaq Ismaǵulov pen ǵalym, abaitanýshy Mekemtas Myrzahmetulyn 90 jas torqaly toilarymen quttyqtady, dep habarlaidy QazAqparat.
QR Ulttyq kitaphanasynda bolǵan saltanatty sharaǵa QR Memlekettik hatshysy Qyrymbek Kósherbaev, QR Mádeniet jáne sport ministri Aqtoty Raiymqulova, QR Bilim jáne ǵylym ministri Ashat Aimaǵambetov, Qazaqstan Jazýshylar odaǵynyń basqarma tóraǵasy Ulyqbek Esdáýlet jáne belgili ǵalymdar qatysty.
Qyrymbek Kósherbaev ǵalymdardyń el ǵylymyna qosqan ólsheýsiz úlesin atap ótip, QR Prezidenti Qasym-Jomart Toqaevtyń quttyqtaý hatyn oqyp berdi.
«Qurmetti Mekemtas Myrzahmetuly! 90 jas mereitoiyńyzben quttyqtaimyn. Otandyq ádebiet pen ǵylymnyń damýyna ólsheýsiz úles qosýyńyzdyń arqasynda siz halyq aldynda belgili ǵalym, jazýshy retinde tanylyp, erekshe qurmetke bólendińiz. Qoja Ahmet Iasaýi, Abai, Muhtar týraly, Baýyrjan Momyshuly týraly eńbekterińizge baǵa jetpeidi. Alda da óskeleń urpaqqa ónege kórsetip, qoǵamnyń rýhani damýyna úles qosyp aman júrińiz. Densaýlyǵyńyz myqty bolsyn! Arman-tilegińiz oryndalsyn!», - delingen quttyqtaýda.
Memhatshy Prezidenttiń antropolog ǵalym Orazaq Smaǵululyna arnaǵan quttyqtaýyn da jetkizdi.
«Qurmetti Orazaq Smaǵululy! Men sizdi búgingi 90 jas mereitoiyńyzben quttyqtaimyn. Sanaly ǵumyryńyzdy antropologiia salasyna arnap, Qazaqstanda tuńǵysh ret antropologiia mektebiniń negizin qaladyńyz. Álbette ǵylymǵa qosqan úlesińiz ushan teńiz. Sizdiń eńbekterińizdiń arqasynda qazaq halqynyń tarihy men shyǵý tegine qatysty kóptegen baǵa jetpes ǵylymi muraǵa ie boldyq. Bolashaqta jumysyńyzǵa sáttilik tileimiz. Halyq igiligine qyzmet etýden jalyqpańyz», - delingen Memleket basshysynyń hatynda.
Quttyqtaýdan soń memlekettik hatshy qos ǵalymǵa shapan japty.
Al QR Mádeniet jáne sport, Bilim men ǵylym ministrleri qariialardyń keýdesine tósbelgi taqty.
