Meditsina qyzmetkerleriniń biliktiligin arttyrý salasyndaǵy yntymaqtastyqty QR Densaýlyq saqtaý ministrligi men «AstraZeneca» kompaniiasy damytatyn bolady, dep habarlaidy "Ult aqparat" vedomstvonyń baspasóz qyzmetine silteme jasap.
Ulybritaniia men Qazaqstannyń 8-shi úkimetaralyq komissiiasynyń plenarlyq otyrysy aiasynda QR Densaýlyq saqtaý ministrligi men «AstraZeneca» kompaniiasynyń Qazaqstandaǵy ókildigi arasynda ózara túsinistik týraly Memorandýmǵa qol qoiyldy.
Bul qujat sapaly jáne qoljetimdi densaýlyq saqtaýdy damytý, 2025 jylǵa qarai azamattardyń ómir súrý uzaqtyǵyn 75 jasqa deiin arttyrý, infektsiialyq emes aýrýlardyń proaktivti profilaktikasy modelin engizý jáne Qazaqstan Respýblikasynyń densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasyn iske asyrý sheńberinde aýrýlardy basqarý baǵdarlamalaryn keńeitý jónindegi sharalardy iske asyrýǵa baǵyttalǵan.
«2020 jyl azamattar úshin meditsinalyq-sanitarlyq kómektiń sapasy men qoljetimdiligin jaqsartýǵa keshendi tásildiń qajettiligin kórsetti. Biz halyq densaýlyǵyn sipattaityn kórsetkishterde sapaly ilgerileýge qol jetkizý úshin memlekettik vedomstvolardy, biznes ókilderin, barlyq deńgeidegi qoǵamdyq uiymdardy, birinshi kezekte, halyqtyń innovatsiialarǵa qoljetimdiligine tikelei áser etetin qurylymdardy qosa alǵanda, búkil qoǵamnyń kúsh–jigeriniń kelisimdiligi qajet ekenin túsinemiz», - dep atap ótti QR Densaýlyq saqtaý vitse-ministri Jandos Búrkitbaev.
Bul rette Memorandým infektsiialyq emes aýrýlardy basqarýdyń innovatsiialyq tásilderi týraly bilimdi arttyrý jáne áleýmettik máni bar aýrýlardy qazirgi zamanǵy emdeý máselelerinde Densaýlyq saqtaý mamandarynyń bilim deńgeiin arttyrý úshin ǵylymi bilim berý baǵdarlamalary siiaqty baǵyttarda yntymaqtastyq múmkindigin ashady.
Sondai-aq, densaýlyq saqtaýdy klinikalyq praktikaǵa jáne tsifrlandyrýǵa áleýmettik mańyzy bar aýrýlardy diagnostikalaý men emdeýdiń qazirgi zamanǵy ádisterin engizý, sondai-aq jańa tsifrlyq ekojúieni qurý boiynsha usynystar ázirlenedi dep josparlanýda.
Budan basqa, Memorandým otandyq taýar óndirýshilermen birlesip dárilik zattardy oqshaýlaýǵa járdem kórsetýdi jáne táýekel-shering (táýekelderdi bólý) formatynda ózara is-qimyldyń innovatsiialyq modelderin ázirleýdi, sondai-aq farmakologiialyq qadaǵalaý salasyndaǵy yntymaqtastyqty kózdeidi.
QR Densaýlyq saqtaý ministrligimen yntymaqtastyq sheńberinde «AstraZeneka» kompaniiasy qant diabetin anyqtaý men baqylaýdy jaqsartý jónindegi baǵdarlamalardy qoldaýdy, respiratorlyq aýrýlardy emdeýdi jetildirýdi, orfandyq (sirek kezdesetin) aýrýlar salasynda Qazaqstannyń densaýlyq saqtaý júiesin damytýdy jaqsartý máseleleri boiynsha járdem kórsetýdi, qan ainalymy júiesi aýrýlarynan bolatyn terapiia jáne ólim-jitimdi azaitý jónindegi baǵdarlamalardy iske asyrýdy josparlap otyr.
«Búgin qol qoiylǵan memorandým «AstraZeneka» kompaniiasynyń jinaqtalǵan jahandyq saraptamasyn respýblikadaǵy meditsinalyq kómekti jetildirý úshin qoldanýǵa múmkindik beredi. Memorandýmnyń mańyzdy mindetteriniń biri qazaqstandyqtardy tirkelgen sátten bastap qysqa merzimde innovatsiialyq preparattarǵa qol jetkizýmen qamtamasyz etý bolyp tabylady. Budan basqa, memorandýmda Densaýlyq saqtaý mamandarynyń quzyretterin jetildirýge kóp kóńil bólinedi. Mundai sinergiia Qazaqstan Respýblikasyndaǵy klinikalyq tájiribege áleýmettik mańyzy bar aýrýlardyń zamanaýi diagnostikasy men terapiiasyna tsifrlyq sheshimder men jańa tásilderdi engizýdi jedeldetýge múmkindik beredi», - dedi «AstraZeneka» kompaniiasynyń Qazaqstandaǵy ókildiginiń direktory Aleksandr Tarishkin.
Kompaniia sondai-aq molekýliarlyq-genetikalyq diagnostikany damytýdy, sondai-aq mamandardy qashyqtyqtan oqytýdyń tsifrlyq tehnologiialaryn engizýdi jáne onkologiialyq aýrýlardan zardap shegetin patsientterdi monitoringileýdi qosa alǵanda, onkologiialyq aýrýlary bar patsientterge meditsinalyq kómek kórsetý sapasyn arttyrýǵa óz úlesin qosýǵa nietti.
«Memorandýmǵa qol qoiý COVID-19 pandemiiasynyń qiyn jaǵdaiynda elderimiz arasyndaǵy qatynastardy nyǵaitý jolyndaǵy taǵy bir qadam bolyp tabylady. Yntymaqtastyqty keńeitý asa mańyzdy, óitkeni 2022 jyly Qazaqstan men Ulybritaniia arasyndaǵy diplomatiialyq qatynastardyń ornaǵan sátinen bastap 30 jyldyq mereitoi keńinen atap ótiletin bolady. Biz bul kelisim áleýmettik-ekonomikalyq blok baǵytyndaǵy seriktestigimizdi nyǵaitady jáne qazaqstandyqtarǵa innovatsiialyq terapiia men densaýlyq saqtaý salasyndaǵy úzdik praktikalarǵa barynsha tez qol jetkizýge kómektesedi dep úmittenemiz», – dep atap ótti Ulybritaniianyń Qazaqstan Respýblikasyndaǵy Elshisi Keti Lich.
