Búgin fýtboldan Premer-liga komandalary arasyndaǵy Qazaqstan chempionatynyń úshinshi týrynyń úsh oiyny máresine jetti, dep habarlaidy "Ult aqparat".
Alǵashqy oiyn Almatyda jergilikti «Qairat» pen Taldyqorǵannyń «Jetisý» komandalary arasynda boldy. Bul kezdesýde alań ieleri qarsylastar qaqpasyna jaýapsyz úsh gol soqty. Oiynnyń 11-minýtynda Kamo Oganesian «Qairatty» alǵa shyǵarsa, 56-minýtta Konrad Vjeshinskii esepti ústemelei tústi. Al 90-minýtta Artýr Shýshenachev qorytyndy esepti belgiledi. Osylaisha «Qairat» qarsylasynan 3:0 esebimen basym tústi. Týrnir kestesinde kósh basyna shyqty.
Petropavlda «Qyzyljar» Kókshetaýdyń «Oqjetpes» klýbymen kezdesti. Oiyn barysynda kókshetaýlyq fýtbolshylar sapynan Jasulan Moldaqaraev 28-minýtta esep ashty. Odan keiingi úsh goldy alań ieleri soqty. Aldymen Gabrel Enake tarazy basyn teńestirdi. Al 76-minýtta kókshetaýlyq Plamen Dimov óz qaqpasyna gol soǵyp alsa, 87-minýtta Timýr Mýldinov gol soqty. «Qyzyljar» jeńiske jetip, týrnir kestesindegi jaǵdaiyn jaqsarta tústi.
Al Qostanaida jergilikti «Tobyl» Aqtaýdyń «Kaspiiin» 2:0 esebimen tize búktirdi. Oiynnyń 84-minýtynda Azat Nurǵaliev, 89-minýtynda Oralhan Ómirtaev qanjyǵasyn mailady.
Qazir Qyzylordada «Qaisar» men «Taraz», Shymkentte «Ordabasy» men Qaraǵandynyń «Shahteri» kezdesýde.
