Búgin Qazaqstan musylmandary dini basqarmasynyń tóraǵasy, bas múfti Naýryzbai qajy Taǵanuly elorda irgesindegi Qoiandy aýylynyń turǵyny Maia Tsoponqyzyna úsh bólmeli úidiń kiltin tabystady, dep habarlaidy "Ult aqparat".
Basqarmanyń málimetinshe, tórt jyldan beri 40 tonnalyq temir konteinerde turyp kelgen mektep muǵalimi jańa úige qonystanǵan. Basqarmaǵa qarasty «Zeket» qorynyń «El úlesi – páterge» jobasy aiasynda Nur-Sultan ókildiginiń uiytqy bolýymen 279-shy baspananyń kilti Maia Tsoponqyzyna tól merekesinde jasalǵan teńdessiz syilyq boldy.
Osydan tórt jyl buryn jubaiy Ásker Kalemhanuly basynan jaraqat alyp, eńbekke jaramsyz bolyp qalǵaly otbasy temir konteinerdi panalap kelgen bolatyn. Syrqat kúieýi men eki balasyn asyraý ońaiǵa soqpasa da, Qoiandy mektebindegi ustazdyq qyzmetinen qol úzbegen.
Qiyndyqpen jalǵyz alysqan qaisar janǵa qurmet retinde Ustazdar kúnine orailastyrylyp, Kalemhanovtar otbasyna tosynsyi jasaldy
Igilikti sharaǵa belgili telejúrgizýshi, senator Dana Nurjigit arnaiy qatysyp, mektep muǵaliminiń qýanyshymen bólisip qaitty.
Jańa baspanada jaiylǵan dastarhan basynda izgi tilekter aitylyp, qazaqy dástúrge sai jańa shańyraqqa qajetti syilyqtar tartý etildi.
Igi sharaǵa demeýshilik tanytyp, súttei uiyǵan bir otbasynyń baqytty bolýyna septigin tigizgen Erlik Haidaruly bastaǵan el aǵalary da qýanyshtyń basynan tabylyp, izgi tilekterin bildirdi.
