Almatydaǵy №4 Qalalyq klinikalyq aýrýhananyń №2 Juqpaly aýrýlar bóliminiń meńgerýshisi Sáýle Saýranbaeva koronavirýsty jeńý joldaryn aitty, dep habarlaidy QazAqparat.
Dárigerdiń aitýynsha, birinshiden, senim, meditsina men halyqtyń ózara senimi, qoǵamdyq sana men vaktsinatsiia bolǵany durys.
«Men óz tájiribemnen aitaiyn: men de koronavirýsty basymnan ótkizdim, maǵan ortasha aýyr deńgeide ótti, ókpeniń zaqymdanýy 32% boldy. Bizdiń emdelýshilerimiz qazir ne sezinetinderin jaqsy túsinemin. Biraq, men pozitivti boldym, kún saiyn tańerteń turyp, palatada júrýge óz-ózimdi májbúrledim. Múmkindik bar kezde júrińiz, kishkene 10 qadamnan bastańyz. Barlyq súiikti óleńder men ánderdi eske túsirip, aityńyz – bul tynys alý gimnastikasy. Biraq, belsendi fizikalyq jattyǵýlarǵa barmańyz» - dedi ol.
Dáriger bul jaǵdaida adam aǵzasynyń barlyq músheleri saý, tek eń kishkentai kapilliarlardan bastap, úlken tamyrlarǵa deiingi ártúrli kalibrlerdiń tamyrlary zardap shegetinin aitty.
«Sondai-aq, oraýshy júiesi de zardap shegedi, sondyqtan aýrýdyń ózine sabyrmen qarap, dáriger usynǵan, taǵaiyndaǵan aldyn-alý jáne emdeý sharalaryn júrgizýdi suraimyn» - dedi dáriger.
Dárigerler jasaǵan tájiribelerdiń biri - kovidpen aýyratyn naýqastarǵa dári-dármekterdi kóp engizýdiń qajeti joq. Bul jerde tamyrlar zardap shegedi, sondyqtan immýndyq júiege az áser etip, tamyrlardyń endotelii qabyrǵasyna az zaqym keltirgende, naýqas tezirek qalpyna keledi.
«Naýqastarǵa litrlermen dáriler quiylmaidy, olar «bos« jatyr degen pikir durys emes. Ár adam aýrýdyń aýyrlyq deńgeiine bailanysty dáriniń tiisti dozasyn alady», - dep naqtylady Sáýle Saýranbaeva.
