Foto: tobolinfo.kz
Qostanaidyń burynǵy ákimi Ahmedbek Ahmetjanovtyń meiramhanasy qaitadan satylymǵa shyǵaryldy, - dep habarlaidy Tengrinews.kz saity "TobolInfo" basylymyna silteme jasap.
Tárkilengen "Altyn-Saf" kesheni elektron saýda alańyna satylymǵa shyǵaryldy. Aldyńǵy aýktsiondar sátsiz aiaqtalǵan. Jalpy aýdany 1558,4 sharshy metr bolatyn ǵimaratty satyp alýǵa niet bildirgen satyp alýshylar tabylmady.
Meiramhananyń bastapqy baǵasy – 805 million 529 myń teńge. Biylǵy qazanda ýchaskeni baǵalaý júrgizildi. 17 qarashada aýktsion ótedi.
"Nysan Ekaterinbýrg-Almaty tasjolynyń boiynda ornalasqan. Ýchaskede kafesi bar demalys orny, ot jaǵatyn bólim jáne keńeitilgen nysan bar. Ǵimarat 2014 jyly salynǵan", - delingen habarlamada.
Foto: tobolinfo.kz
Eske salaiyq, Qostanaidyń eks-ákimi Ahmedbek Ahmetjanov 2016 jyldyń sáýirinde 13 jylǵa bas bostandyǵynan aiyrylǵan bolatyn. Oǵan memlekettik qyzmet pen memlekettik basqarý múddelerine qarsy sybailas jemqorlyq qylmys jasady degen aiyp taǵyldy.
Keiinirek sottalýshy sot sheshimine shaǵymdanyp, onyń merzimi 7 jyl 6 aiǵa deiin qysqardy. Alaida kóp uzamai Táýelsizdiktiń 25 jyldyǵyna bailanysty Ahmetjanov raqymshylyqqa ilikti. Jaza 4 jyl 10 aiǵa jáne 23 kúnge deiin qysqartyldy. 2019 jyldyń sáýirinde Qostanai oblystyq sotynyń alqasy Ahmetjanovty shartty túrde merziminen buryn bosatý týraly sheshim qabyldady, óitkeni ol taǵaiyndalǵan jazanyń negizgi bóligin ótep, barlyq talaptardy ótegen.
Foto: tobolinfo.kz
