Foto: Qostanai oblysy TJD
Qostanaida júk kólikterin jóndeýge arnalǵan bir qabatty ǵimarat qirady, dep habarlaidy "Ult aqparat" oblystyq tótenshe jaǵdailar departamentiniń baspasóz qyzmetine silteme jasap.
"11 jeltoqsan saǵat 12:39-da Qostanai qalasyna qarasty Amangeldi kentinde gaz-aýa qospasynyń jarylysy saldarynan júk kólikterin jóndeýge arnalǵan bir qabatty ǵimarattyń qiraǵany týraly habarlama kelip tústi.
Kýágerlerdiń aitýynsha, úiindi astynda adamdar bolýy múmkin" - delingen habarlamada.
Foto: Qostanai oblysy TJD
Izdestirý-qutqarý jumystaryna Qostanai oblysy TJD jáne jergilikti atqarýshy organ kúsh-quraldary jumyldyrylǵan.
"Alǵashqy meditsinalyq kómekke 12 adam júgindi. Qutqarý jumystary kezinde úiindi astynan eki adam shyǵaryldy. Izdeý jalǵasyp jatyr", - deidi vedomstvodaǵylar.
Oblystyq TJD basshysy Qairat Qasymnyń sózinshe, oqiǵa kýágerleri adamdar qutqarylǵan jerde taǵy úsh kisiniń baryn aitqan.
"Qazir apattyq-qutqarý jumystary júrgizilýde. Eki adam tabyldy. Olardy jedel járdem qyzmetine tapsyrdyq. Úshinshi adamnyń aiaǵyn plita basyp qalǵan. Bir qabyrǵa qulaiyn dep turǵany jumysty qiyndatyp otyr. Ol tek úidiń tóbesine ǵana tirelip tur. Jumys asqan muqiiattylyqty talap etedi. Bul másele kóp tehnikamen sheshilmeitin bolyp tur", - dedi ol.
